بانگلادەشتە ناۋرىز ايىنان بەرى ەل تاريحىنداعى ەڭ اۋقىمدى قىزىلشا ىندەتى جالعاسىپ جاتىر: اۋرۋعا بايلانىستى قازا تاپقاندار سانى 999-عا جەتتى، دەپ حابارلايدى infohub.kz سايتى.
بانگلادەش دەنساۋلىق ساقتاۋ مينيسترلىگىنىڭ دەرەگىنشە، 2026 جىلعى ناۋرىزدا ىندەت باستالعاننان بەرى 166 مىڭنان استام كۇدىكتى قىزىلشا جاعدايى تىركەلگەن، ونىڭ 19 835ء-ى زەرتحانالىق جولمەن راستالعان. اۋرۋعا بايلانىستى 999 ءولىم جاعدايى بار، ونىڭ 100ء-ى تىكەلەي قىزىلشادان قازا تاپقاندار رەتىندە راستالدى. 146 مىڭنان استام ادام اۋرۋحاناعا جات قىزىلدى.
Reuters اگەنتتىگىنىڭ مالىمەتىنشە، ىندەت ۆاكسيناسياداعى ولقىلىقتارعا بايلانىستى. 2024–2025 جىلدارداعى ساياسي داعدارىس اياسىندا ەلدە جوسپارلى ەگۋ باعدارلامالارى كەيىنگە شەگەرىلىپ، ۆاكسينا جەتكىزۋدە قيىندىقتار تۋىنداعان. ەكپە الماعان بالالار، اسىرەسە ەگۋگە ءالى جارامسىز توعىز ايعا تولماعان نارەستەلەر ەرەكشە وسال بولىپ شىقتى.
بۇعان دەيىن بانگلادەش ينفەكسيامەن كۇرەستە ايتارلىقتاي جەتىستىككە جەتكەن ەدى. سوڭعى ونجىلدىقتىڭ باسىم بولىگىندە ەلدە قىزىلشاعا قارسى ەگۋمەن قامتۋ كەمىندە 95%-دى قۇرادى — دۇنيەجۇزىلىك دەنساۋلىق ساقتاۋ ۇيىمى اۋرۋدىڭ تارالۋىن بولدىرماۋ ءۇشىن قاجەت دەپ سانايتىن دەڭگەي. الايدا COVID-19 پاندەمياسى كەزىندە كورسەتكىشتەر تومەندەپ، كەيىن يممۋنداۋدا جاڭا ولقىلىقتار پايدا بولدى.
ساۋىردە بيلىك قىزىلشا مەن قىزامىققا قارسى شۇعىل ەگۋ ناۋقانىن باستادى، ول التى ايدان بەس جاسقا دەيىنگى شامامەن 18 ملن بالاعا ارنالعان. كەيىن 19،7 ملن-نان استام بالا ەكپە الدى.
احۋالدى دەنگە بەزگەگىنىڭ ءبىر مەزگىلدە ءوسۋى قيىنداتىپ وتىر. بيىل بانگلادەشتە دەنگەمەن 45 مىڭنان استام ناۋقاس اۋرۋحاناعا جات قىزىلدى. 9 قىركۇيەكتە تاۋلىك ىشىندە جات قىزىلعاندار سانى 1 571-گە، ال تىركەلگەن ءولىم سانى توعىزعا جەتىپ، جىل باسىنان بەرگى ەڭ جوعارى كورسەتكىش بولدى.
داككاداعى 1 350 ناۋقاسقا ارنالعان مەملەكەتتىك اۋرۋحانالاردىڭ بىرىندە ءقازىر 2 350-دەن استام ادام جاتىر. قىزىلشامەن اۋىرعاندارعا 60 توسەك بولىنگەن، الايدا كەيبىر ناۋقاستاردى ەدەنگە جاتقىزۋعا تۋرا كەلەدى.
قىزىلشا — ەڭ جۇقپالى ينفەكسيالاردىڭ ءبىرى. ول ادەتتە جوعارى تەمپەراتۋرا مەن ءتان بورتپە تۋدىرادى، ءبىراق اۋىر اسقىنۋلارعا اكەلۋى مۇمكىن. قىزىلشادان سەنىمدى قورعانۋ ءۇشىن ۆاكسينانىڭ ەكى دوزاسى قاجەت.
بۇعان دەيىن Kursiv Health اقش-تا رەكوردتىق ىندەت اياسىندا قىزىلشادان العاشقى ءولىم جاعدايلارى تىركەلگەنىن حابارلاعان ەدى.