بانك سەنتركرەديتتىڭ نەگىزگى باسقارۋ پەرسونالىنىڭ سىياقىسى 2026 جىلدىڭ ءبىرىنشى جارتىجىلدىعىندا 2 ملرد تەڭگەگە جەتىپ، وتكەن جىلدىڭ سايكەس كەزەڭىمەن سالىستىرعاندا 36%-عا وسكەن. بۇل تۋرالى infohub.kz سايتى حابارلايدى.
باسقارما جانە ديرەكتورلار كەڭەسى مۇشەلەرىنە تولەنگەن جالپى تولەمدەر 2025 جىلعى قاڭتار-ماۋسىمداعى 1،48 ملرد تەڭگەدەن بيىلعى جىلى 2 ملرد تەڭگەگە دەيىن ءوستى. ال بانكتىڭ جارتىجىلدىقتاعى تازا پايداسى 16%-عا – 123 ملرد تەڭگەگە دەيىن، ال وپەراسيالىق پايداسى 10%-عا – 153،9 ملرد تەڭگەگە دەيىن تومەندەدى.
2026 جىلدىڭ ءبىرىنشى جارتىجىلدىعىندا باسقارما قۇرامى وزگەردى: ناۋرىزدا ۆيسە-پرەزيدەنت رۋستام تەنيزوۆ ودان شىعارىلدى، ال شىلدەدە ونىڭ ورنىن رۋستەم ابىشيەۆ باستى. باسقارمادا تۇراقتى نەگىزدە ءتوراعا رۋسلان ۆلاديميروۆ، نۇرلان شەگەبايەۆ جانە اناستاسيا وۆسياننيكوۆا بولدى.
بانك توبىنىڭ ديرەكتورلار كەڭەسى دە وزگەرىسكە ۇشىرادى: ناۋرىزدا دجۋماگەلدى امانقۇلوۆ پەن ۆەرنەر كلااس ودان شىعارىلىپ، ولاردىڭ ورنىن دميتري پوپوۆ پەن ءادىل مۇحامەدجانوۆ باستى. كەڭەستىڭ تۇراقتى مۇشەلەرى بانكتىڭ نەگىزگى اكسيونەرلەرى – باحىتبەك بايسەيىتوۆ (52% اكسيا) مەن ۆلاديسلاۆ لي (12%)، سونداي-اق انۆار سايدەنوۆ پەن دانيار شاياحمەتوۆ بولىپ قالدى.
ايتا كەتەيىك، بسك-نىڭ باقىلاۋ پاكەتىنىڭ يەسى باحىتبەك بايسەيىتوۆ Forbes نۇسقاسى بويىنشا قازاقستاننىڭ ەڭ باي ادامدارى تىزىمىندە $858 ملن بايلىعىمەن 13-ورىندا تۇر.
بۇعان دەيىن BCC Invest ەنشىلەس كومپانياسىنىڭ باسقارما جانە ديرەكتورلار كەڭەسى مۇشەلەرى 2026 جىلدىڭ ءبىرىنشى جارتىجىلدىعىندا 480،8 ملن تەڭگە كولەمىندە سىياقى العانى حابارلانعان بولاتىن.