كاسساسيالىق سوت كازاكستاندىق ايەلدىڭ بانكروت دەپ تانۋ تۋرالى ءوتىنىشىن قاناعاتتاندىردى. بۇعان دەيىن وعان ج ش س جارعىلىق كاپيتالىنداعى ۇلەسىنە بايلانىستى باس تارتىلعان ەدى، دەپ حابارلايدى infohub.kz سايتى.
ءباسپاسوز قىزمەتىنىڭ مالىمەتىنشە، ازاماتتىق ىستەر جونىندەگى كاسساسيالىق سوت ازاماتشا ح-تىڭ سوت بانكروتتىعى ءراسىمىن قولدانۋ تۋرالى ءوتىنىشىن قارادى. ءىى توپتاعى مۇگەدەك، ونكولوگيالىق اۋرۋمەن اۋىراتىن ايەل ءوزىن بانكروت دەپ تانۋدى سۇراعان. ونىڭ قارىزى 4،5 ملن تەڭگەنى قۇراعان. الايدا ءبىرىنشى جانە اپەللياسيالىق ساتىداعى سوتتار وعان باس تارتقان، سەبەبى ول ج ش س جارعىلىق كاپيتالىنداعى 25،9% ۇلەسكە يە.
الايدا كاسساسيالىق سوت بۇل تۇجىرىمدارمەن كەلىسپەدى. سوتتا اتاپ وتىلگەندەي: «ج ش س ەكى جىلدان استام ۋاقىت بويى ءىس جۇزىندە قىزمەت اتقارمايدى، ونىڭ مۇلكى نەبارى 103 مىڭ تەڭگەگە باعالانعان، ال ءوتىنىش بەرۋشىنىڭ ۇلەسىنىڭ قۇنى نەبارى 26 677 تەڭگەنى قۇرايدى، بۇل قارىزدى وتەۋگە جەتكىلىكسىز. سونىمەن قاتار، ءوتىنىش بەرۋشى جشس-عا قاتىسۋىنان ەشقانداي تابىس المايدى، ونىڭ جالعىز تابىس كوزى — مۇگەدەكتىك بويىنشا جاردەماقى».
سوت زاڭدى تۇلعاداعى ۇلەستىڭ بولۋى وزدىگىنەن سوت بانكروتتىعى ءراسىمىن قولدانۋدان باس تارتۋعا نەگىز بولا المايتىنىن اتاپ ءوتتى. مۇنداي ىستەردى قاراۋ كەزىندە م ۇلىكتىڭ ناقتى قۇنىن جانە بورىشكەردىڭ ناقتى تولەم قابىلەتتىلىگىن ەسكەرۋ قاجەت.
ناتيجەسىندە سوت تومەنگى ساتىداعى سوت اكتىلەرىن جويىپ، ازاماتشا ح-قا قاتىستى سوت بانكروتتىعى ءراسىمىن قولداندى.