قاراعاندى وبلىسىندا تەمىر كەنىن وندىرەتىن «باپى مەتالس» كومپانياسى 2025 جىلدىڭ قورىتىندىسى بويىنشا 461،3 ملن تەڭگە پايدا تاپتى. 2024 جىلى بۇل كورسەتكىش 344،9 ملن تەڭگە بولعان ەدى. وسىلايشا كومپانيا پايداسىن ۇشتەن بىرگە – 33،7%-عا ارتتىردى، دەپ حابارلايدى infohub.kz سايتى.
«باپى مەتالس» كىرىسى 2024 جىلعى 5،1 ملرد تەڭگەدەن 2025 جىلى 7،6 ملرد تەڭگەگە دەيىن ءوستى، ياعني ءبىر جارىم ەسەگە. كومپانيانىڭ بولىنبەگەن پايداسى 2025 جىلدىڭ سوڭىندا 3،5 ملرد تەڭگەگە جەتتى.
«باپى مەتالس» كومپانياسىنىڭ 50%-دىق ۇلەسى اكادەميك قانات شوكين مەن كاسىپكەر ارمان سەرىكباەۆقا تيەسىلى. قانات شوكين – قازاقستان عالىمى شافىك شوكيننىڭ ۇلى. شافىك شوكين قانىش ساتباەۆپەن بىرلەسىپ، قازاقستان عىلىم اكادەمياسىن قۇرۋعا بەلسەنە قاتىسقان.
كاسىپكەر ارمان سەرىكبايەۆ سپورتتىق بالىق اۋلاۋ فەدەراسياسىنىڭ، قازاقستان اۋەسقوي ۇشقىشتار قاۋىمداستىعىنىڭ، سونداي-اق «بوزوبا پەترولەۋم» كومپانياسىنىڭ (ءبارى الماتىدا تىركەلگەن) تەڭ يەلەرىنىڭ ءبىرى.
«باپى مەتالس» قاراعاندى وبلىسى شەت اۋدانىنىڭ اقجال كەنتىندە تىركەلگەن. كومپانيا قاراعاندى وبلىسىنداعى باپى الاڭىندا تەمىرى بار كەندەردى وندىرۋگە كەلىسىمشارتقا يە. بۇعان دەيىن «باپى مەتالس» جۋانتوبە، قاراۋىلكەن، اقشاعىل جانە شىعىس باپى تەمىر كەن ورىندارىن اشقان. كومپانيا 2021 جىلدىڭ تامىزىنان باستاپ جۋانتوبەدە ءوندىرىستى باستادى. 2026 جىلى «باپى مەتالس» جۋانتوبەدەگى ءوندىرىستى اياقتاپ، جەر قويناۋىن پايدالانۋدىڭ سالدارىن جويۋمەن اينالىسۋدى جوسپارلاعان.
بۇرىن جۋانتوبە بويىنشا قولدانىستاعى كەلىسىمشارت 2025 جىلدىڭ 12 اقپانىنا دەيىن ۇزارتىلعان بولاتىن، الايدا 2025 جىلعى قارجىلىق ەسەپتى بەكىتۋ كەزىندە كەلىسىمشارت مەرزىمى ءوتىپ كەتكەن. كومپانيا قاراۋىلكەن، اقشاعىل جانە شىعىس باپىداعى دالا جۇمىستارىن تولىق ورىندادى. سونىمەن قاتار كومپانيا باپى بويىنشا كەلىسىمشارتتىق اۋماقتىڭ ءبىر بولىگىن مەملەكەتكە قايتارۋ ءۇشىن قۇجاتتار دايىنداعان، دەپ كورسەتىلگەن قارجىلىق ەسەپتە.
2025 جىلى كومپانيا قاراۋىلكەن، اقشاعىل جانە شىعىس باپى كەن ورىندارىندا وندىرىسكە ليسەنزيا الۋ ءۇشىن بارلىق كەلىسىمدەردى الدى. كومپانيا اقشاعىلداعى ءوندىرىستى 2026 جىلى باستاۋدى جوسپارلاعان.
بۇعان دەيىن «باپى مەتالس» 2025 جىلدان باستاپ قاراعاندى وبلىسى شەت اۋدانىنداعى جۋانتوبە كەن ورنىندا كەن ءوندىرۋدى جىلىنا 3،225 ملن تونناعا دەيىن ارتتىرۋدى جوسپارلاعانىن حابارلاعان. بۇعان دەيىن كومپانيا جىلىنا 3 ملن تونناعا دەيىن كەن وندىرگەن. 2023 جىلدى كومپانيا 33 ملن تەڭگە شاماسىنداعى شاعىن شىعىنمەن اياقتادى، ال 2022 جىلى 2،25 ملرد تەڭگە تازا پايدا الدى.
كومپانيا جۇمىستى 2025 جىلدىڭ مامىرىندا باستاپ، 2027 جىلدىڭ 31 جەلتوقسانىندا اياقتاۋدى جوسپارلاعان. كەن Bapy Mining كومپانياسىنا وڭدەۋگە جەتكىزىلەدى، ول قۇرامىندا 52% جانە 62% تەمىرى بار تەمىر كەنى كونسەنتراتىن شىعارادى.
Bapy Mining كومپانياسى باپى بويىنشا وندىرىستىك قۋاتتىلىق جىلىنا 3 ملن تونناعا دەيىن كەندى قۇرايتىنىن حابارلاعان. كەن ورنى 1940 جىلى اشىلعان. ونىڭ بارلاۋى 1960-1970 جىلدارى جۇرگىزىلدى، ال ەگجەي-تەگجەيلى گەولوگيالىق بارلاۋ جۇمىستارى 2005-2006 جىلدارى جۇرگىزىلگەن. مەملەكەتتىك قورلار جونىندەگى كوميسسيا (مقك) بەكىتكەن بالانستىق قورلار 30 ملن توننا كەندى قۇرادى. كەن Qarmet كومپانياسىنا، قىتايعا جانە باسقا تۇتىنۋشىلارعا جەتكىزىلۋى مۇمكىن.