اقمولا وبلىستىق سوتى قۋاندىق بيشىمباەۆتىڭ نەمەرە اعاسى باقىتجان بايجانوۆتىڭ مەرزىمىنەن بۇرىن بوساتىلۋ سەبەپتەرىن ءتۇسىندىردى، دەپ حابارلايدى infohub.kz سايتى.
سوت ءباسپاسوز قىزمەتىنىڭ مالىمەتىنشە، بايجانوۆقا قاتىستى جازانىڭ وتەلمەگەن بولىگىن قىسقارتۋ تۋرالى ۇسىنىستى ق ر ءىىم قىلمىستىق-اتقارۋ جۇيەسى كوميتەتىنىڭ №4 مەكەمەسىنىڭ باستىعى جىبەرگەن. سوتتالۋشى مەن ونىڭ قورعاۋشىلارى بۇل ءوتىنىشتى قاناعاتتاندىرۋدى سۇراعان، پروكۋرور دا قولداعان.
زاڭ بويىنشا، اۋىر نەمەسە اسا اۋىر قىلمىس جاساعان، تەرىس مىنەز-ق ۇلىق سيپاتى جوق جانە امنيستيا قولدانىلعان كەزدە وتەلمەگەن جازا مەرزىمى ءبىر جىلدان اسپايتىن ادامدارعا نەگىزگى جازانىڭ وتەلمەگەن بولىگى قىسقارتىلادى. بايجانوۆ اۋىر قىلمىس جاساعان، ءبىراق تەرىس سيپاتتاماسى بولماعان، ال وتەلمەگەن مەرزىمى نەبارى 3 اي 18 كۇندى قۇراعان.
سوت وتىرىسىندا سوتتالۋشى امنيستيانى قولدانۋعا قارسى بولمادى. سوت ۇسىنىستى قاناعاتتاندىرىپ، وتەلمەگەن مەرزىمدى تولىق قىسقارتتى. بايجانوۆ باس بوستاندىعىنان ايىرۋ ورىندارىنان بوساتىلدى، الايدا قاۋلى ءالى زاڭدى كۇشىنە ەنگەن جوق.
بۇعان دەيىن ادۆوكات عازيز ىنتىقبايەۆ بايجانوۆتىڭ بوستاندىققا شىعىپ، وتباسىنا ورالاتىنىن حابارلاعان ەدى. قىلمىستىق-اتقارۋ جۇيەسى كوميتەتى بۇل اقپاراتتى راستاپ، وعان قاتىستى 6 جىل مەرزىمگە پروباسيالىق باقىلاۋ جانە اكىمشىلىك قاداعالاۋ بەلگىلەنگەنىن ايتتى.