استانالىق «بارىس» كونتينەنتتىك حوككەي ليگاسىنىڭ تۇراقتى چەمپيوناتى باستالعالى العاش رەت قاتارىنان ەكى رەت ۇتىلىپ، ەكەۋى دە «بارىس ارەنادا» بولدى. 30 ساعاتتان ءسال استام ۋاقىت ىشىندە قازاقستاندىق كوماندا تومەنگى كامانىڭ «نەفتەحيميگىنەن» 3:6 ەسەبىمەن جەڭىلىپ، كەيىن سانكت-پەتەربۋرگتىڭ سكا كلۋبىنان 2:5 ەسەبىمەن ۇتىلدى، دەپ حابارلايدى infohub.kz سايتى.
جەكسەنبىدەگى ماچتاعى جاعىمسىز سەناريدى سانكت-پەتەربۋرگتىك زاحار بارداكوۆتىڭ 56-سەكۋندتا سوققان شايباسى باستادى. ايتا كەتەيىك، استانالىقتار وسى ماۋسىمدا ءبىرىنشى بولىپ گول جىبەرسە، مىندەتتى تۇردە ۇتىلادى.
كونتينەنتتىك حوككەي ليگاسى-2026/27
27 قىركۇيەك
🏒 بارىس (استانا، قازاقستان) – سكا (سانكت-پەتەربۋرگ، رەسەي) 3:5 (0:3، 2:2، 1:0)
گولدار: بارداكوۆ (اتاناسوۆ، ميرومانوۆ) 00:56 (0:1)، پلوتنيكوۆ (بارداكوۆ) 06:22 (0:2)، پلوتنيكوۆ (گولدوبين، ۋيلسون) 15:38 (0:3)، لوگۆين (بريتيكوۆ) 21:54 (1:3)، گلوتوۆ (كوروتكي، ميرومانوۆ) 30:22-بول (1:4)، گلوتوۆ (رومانوۆ) 31:56-مەن (1:5)، لوگۆين (دەي، قايىرجان) 33:34 (2:5)، سيمونوۆ (پريسكي، لياپۋنوۆ) 51:25 (3:5)
ميحايل كراۆەستىڭ كومانداسى ءبىرىنشى ۇزىلىسكە تابلوداعى كوڭىلسىز 0:3 ەسەبىمەن كەتتى. ەكىنشى كەزەڭدە كۇشتەر اراقاتىناسى وزگەرگەن جوق – 2:5.
ءۇشىنشى كەزەڭدە سەمەن سيمونوۆ ارتەمي پلەشكوۆتىڭ قاقپاسىنا ءۇشىنشى شايبانى سوقتى، ءبىراق ونىمەن ءبىتتى. «بارىستىڭ» قورىتىندى شابۋىلى ءساتتى بولمادى – 3:5.
يگور لاريونوۆتىڭ شاكىرتتەرىمەن قازاقستاندىقتار وسى ماۋسىمدا بۇرىن دا كەزدەسكەن. تامىزداعى نيكولاي پۋچكوۆ مەموريالىندا ءىس ويىننان كەيىنگى بۋلليتتەرگە جەتكەن. بۇل جولى «بارىس» وۆەرتايمعا دا جەتپەدى.
5 قىركۇيەكتە باستالعان قحل تۇراقتى چەمپيوناتى 2027 جىلدىڭ 20 ناۋرىزىنا دەيىن جالعاسادى. 22 كوماندانىڭ ءارقايسىسى 68 ويىن وتكىزەدى. تۇراقتى چەمپيونات قورىتىندىسى بويىنشا ءار كونفەرەنسيادان 8 كوماندا پلەي-وففقا قاتىسۋ قۇقىعىن الادى.
«بارىس ارەنادا» ەكى كۇندە ەكى ماچتان ۇتىلعان قازاقستاندىقتار قازان – تومەنگى كاما – ماسكەۋ باعىتى بويىنشا تۋرنەگە اتتانادى.