استانادا «بارىس» حوككەي كلۋبى كونتينەنتالدى حوككەي ليگاسىنىڭ 2026/27 ماۋسىمىنداعى تۇراقتى چەمپيوناتىنىڭ كەيىنگە شەگەرىلگەن ماچىندا تومەنگى كاماداعى «نەفتەحيميككە» 3:6 ەسەبىمەن جول بەردى. باستاپقىدا جۇما كۇنى وتكىزىلۋى جوسپارلانعان ويىن ۇلتتىق ازا تۇتۋعا بايلانىستى كەيىنگە قالدىرىلعان بولاتىن، دەپ حابارلايدى infohub.kz سايتى.
اعىمداعى ماۋسىمدا كحل-دە وزدىگىنەن قالىپتاسقان ءداستۇر بويىنشا، ەگەر «بارىس» ماچتا ەسەپتى اشسا، ول مىندەتتى تۇردە جەڭىسكە جەتەدى. الايدا بۇگىن بۇل ىرىمنىڭ كەرىسىنشە دە جۇمىس ىستەيتىنى بەلگىلى بولدى: اعىمداعى چەمپيوناتتا قازاقستاندىقتار ءۇش رەت ءبىرىنشى بولىپ گول جىبەرىپ، ءار جولى ۇتىلىپ قالعان.
7-مينۋتتا وتكەن ماۋسىمدا «بارىس» ساپىندا ويناعان تومەنگى كامالىق دامير جافياروۆ شايبا سالىپ، ول ساتسىزدىك اكەلدى.
كونتينەنتالدى حوككەي ليگاسى-2026/27. شىعىس كونفەرەنسياسى. 26 قىركۇيەك.
بارىس (استانا، قازاقستان) – نەفتەحيميك (تومەنگى كاما، رەسەي) 3:6 (0:1، 0:4، 3:1).
گولدار: جافياروۆ (بەلوزەروۆ، نيكوليشين) 06:08 (0:1)، سەلەزنيەۆ (نادۆورنىي، سوكولوۆ) 23:55 (0:2)، توچيلكين (جافياروۆ، نيكوليشين) 25:06 (0:3)، پەتۋنين (ەرەمەنكو، بيكمۋللين) 28:19-كوپشىلىكتە (0:4)، سوكولوۆ (بيكمۋللين) 38:22-ازىنشىلىقتا (0:5)، پيلون (پريسكي، تومپسون) 41:10-كوپشىلىكتە (1:5)، سيمونوۆ (لوگۆين، ساركەنوۆ) 45:12 (2:5)، تيانۋلين (حلىستوۆ، بيكمۋللين) 46:39 (2:6)، وميربەكوۆ (بريتيكوۆ، كايىرجان) 50:42 (3:6).
ەكىنشى كەزەڭدە 0:3 ەسەبى كەزىندە سوڭعى ماچتاردا وتە جاقسى ونەر كورسەتكەن استانالىق قاقپاشى اندرەي شۋتوۆ قاقپاداعى ورنىن حانتەر شەپاردقا بەردى. امەريكالىق قاقپاشى دا سونشا گول جىبەرىپ، ءقازىر «بارىستا» ەكى تەڭ قاقپاشى بار دەگەن تۇجىرىمدى تاعى ءبىر مارتە راستادى.
0:5 ەسەبىمەن ۇتىلىپ جاتقان ميحايل كراۆەس شاكىرتتەرى حوككەي ويناۋدى بىلەتىنىن (ءتىپتى جاقسى بىلەتىنىن!) ەستەرىنە ءتۇسىردى. گاررەتت پيلون، سەمون سيمونوۆ جانە اليحان وميربەكوۆ ياروسلاۆ ءوزوليندى ءبىر-بىر رەت قۋانتتى.
الايدا قوناقتار دا رەنجىمەي قالدى. استاناداعى جەڭىس ولارعا شىعىس تۋرنير كەستەسىندە ۋاقىتشا كوش باستاۋعا مۇمكىندىك بەردى.
5 قىركۇيەكتە باستالعان كحل تۇراقتى چەمپيوناتى 2027 جىلدىڭ 20 ناۋرىزىنا دەيىن جالعاسادى. 22 كوماندانىڭ ءارقايسىسى 68 ويىن وتكىزەدى. تۇراقتى چەمپيونات قورىتىندىسى بويىنشا ءار كونفەرەنسيادان 8 كوماندا پلەي-وففقا قاتىسۋ قۇقىعىنا يە بولادى.
ەرتەڭ استانالىقتار «بارىس ارەنادا» سكا-نى قابىلدايدى، سودان كەيىن قازان – تومەنگى كاما – ماسكەۋ باعىتىمەن تۋرنەگە اتتانادى.