قازاقستاننىڭ باس پروكۋراتۋراسى ازاماتتاردى كەڭ تاراعان الاياقتىق سحەماسىنان ساقتاندىردى: قىلمىسكەرلەر وزدەرىن ۇلتتىق بانك قىزمەتكەرلەرى رەتىندە تانىستىرىپ، الاياقتاردان قورعايمىز دەگەن سىلتاۋمەن ادامداردىڭ اقشاسىن يەمدەنىپ كەتەدى، دەپ حابارلايدى infohub.kz سايتى.
قاداعالاۋ ورگانىنىڭ دەرەگىنشە، سوڭعى ءبىر جارىم ايدا ەل بويىنشا وسىنداي 39 فاكتى تىركەلگەن.
ماسەلەن، 2026 جىلعى 17 قىركۇيەكتە ۇلىتاۋ وبلىسى پوليسيا دەپارتامەنتى جەزقازعان قالاسىنىڭ تۇرعىنىنان اقشا ۇرلاندى دەگەن فاكتى بويىنشا سوتقا دەيىنگى تەرگەۋ باستادى.
«قىلمىسكەرلەر وزدەرىن ۇلتتىق بانك قىزمەتكەرلەرى رەتىندە تانىستىرىپ، ەر ادامعا الاياقتار ونىڭ جەكە دەرەكتەرىن يەمدەنىپ الىپ، شوتتارىنداعى اقشانى ۇرلاماق بولىپ جاتقانىن ايتتى»، — دەپ مالىمدەدى باس پروكۋراتۋرادا.
الاياقتارعا سەنگەن ەر ادام ولاردىڭ نۇسقاۋىمەن دەپوزيتتەرىندەگى بارلىق اقشانى الىپ، ونى «ءقاۋىپسىز ەتۋ» ءۇشىن ءۇشىنشى تۇلعالارعا اۋدارىپ جىبەرگەن. كەلتىرىلگەن شىعىن 9 ملن تەڭگەنى قۇرادى.
قازىرگى تاڭدا وسى فاكتى بويىنشا سوتقا دەيىنگى تەرگەۋ جالعاسىپ جاتىر.
باس پروكۋراتۋرا ازاماتتاردى ساق بولۋعا شاقىرادى.
«ۇلتتىق بانك پەن وزگە دە مەملەكەتتىك ورگانداردىڭ قىزمەتكەرلەرى تەلەفون ارقىلى نەسيە راسىمدەۋدى، م ۇلىكتى ساتۋدى نەمەسە الاياقتاردان قورعايمىز دەگەن سىلتاۋمەن اقشانى ءۇشىنشى تۇلعالارعا اۋدارۋدى تالاپ ەتپەيدى. بوگدە ادامدارعا SMS-كودتاردى، قۇپياسوزدەردى، بانك كارتالارىنىڭ دەرەكتەرىن جانە اقشاڭىزعا قول جەتكىزۋگە مۇمكىندىك بەرەتىن وزگە دە مالىمەتتەردى ايتپاڭىز»، — دەپ ەسكەرتتى ۆەدومستۆودا.