يا، قۇدايىم، جارىلقا:
جارىلقاساڭ، مالدى قىل،
بىتكەن جۇرتتىڭ الدى قىل،
بۇتان قاس ساعىنعاننىڭ
مالىن الىپ، جارلى قىل!
اللا اكبار!
يا، كۇدايىم، بالا بەرسىن،
مال مەن باستى جانە بەرسىن،
ساعان قاس قىلعان دۇشپانعا
تابانىڭنىڭ استىنا سالا بەرسىن!
اللا اكبار!
يا، قۇدايىم، وڭداسىن،
مىڭ ساۋلىعىڭ قوزداسىن!
سەكسەن تۋيەڭ بوتالاپ،
سەگىز كەلىن قومداسىن!
تىلەنشىنىڭ بيەسىن بەرسىن،
ءۇيسىن، قوڭىراتتىڭ تۇيەسىن بەرسىن،
بىتكەن ارۋاق بارىنە تيە بەرسىن!
اللا اكبار!
قۇدايىم، جارىلقاسىن، باي قىلسىن
ءتورت تۇلىگىڭ ساي قىلسىن!
كەتپەس داۋلەت بەرسىن،
كەڭ پەيىل بەرسىن!
قۇرباندىعىڭ قابىل بولسىن،
تىلەۋىڭ دۇرىس بولسىن،
مۇراتىڭ حاسىل بولسىن،
تىلەگەن تىلەگىڭىزدى بەرسىن!
اللا اكبار!
اسىڭ، اسىڭ، اسىڭا،
بەرەكە بەرسىن باسىڭا!
بودەنەدەي جورعالاپ،
قىرعاۋىلداي قورعالاپ،
قىدىر كەلسىن قاسىڭا!
وسى تۇرعان بوز ۇيگە
قىدىر اتا دارىسىن!
بايبىشەسى بۇل ءۇيدىڭ
ون ەكى قۇرساق كوتەرىپ،
ۇلعا كوزى جارىسىن!
جەلىڭنىڭ و شەتى مەن بۇ شەتىنە
وق جىبەرسە ، جەتپەسىن!
ءتاڭىرى بەرگەن نەسىبەڭ
تەپكىلەسەڭ، كەتپەسىن!
ءار كەزدە بايلىق كەتپەسىن!
كەشكە كەلىپ شۋلاتقان،
قوشاقايدىڭ اتاسى-
قوشقار باسسىن ءۇيىڭدى!
باقايلارى شىرتىلداپ.
مۇيىزدەرى جىلتىلداپ،
ءۇي اراسىن بوق ەتكەن،
ىشسە، ايرانعا توق ەتكەن،
بۇزاۋلاردىڭ اتاسى-
بۇقا باسسىن ءۇيىڭدى!
شۋدالارىن شاڭ باسقان،
ارتقى وركەشىن قوم باسقان،
بوتاقايدىڭ اتاسى -
بۋرا باسسىن ءۇيىڭدى!
شىڭعىر-شىڭعىر كىسىنەسكەن،
تىشىپ، بوعىن يىسكەسكەن،
قۇلىنشاقتىڭ اتاسى-
ايعىر باسسىن ءۇيىڭدى!
ساعان قاس قىلعان كىسىنىڭ
بازارعا بارىپ، اتى ءولسىن!
ەرتە كەتىپ، قايتقاندا،
ۇيىنە كەلسە، قاتىنى ءولسىن!
كوتىنە تىشقاق ءتيسىن،
قولىنا پىشاق ءتيسىن!
تىشقاعى تىيىلماسىن،
توسەگى جيىلماسىن!
شاڭىراعى شارتىلداپ،
شاندىرىنا قادالسىن!
بوساعاسى بورتىلداپ،
بوربايىنا قادالسىن!
كۇلدىرەۋىشى كۇرت سىنىپ،
كوتىنە قادالسىن!
اللا اكبار!
بۇرىنعىلاردىڭ باتاسى
اۋەلى قۇداي جارىلقاسىن،
پايعامباردىڭ بەرەكەتىن بەرسىن!
ابۋباكىر، سىزدىقتىڭ سالاۋاتىن بەرسىن،
ءادىل وماردىڭ ايباتىن بەرسىن،
ازىرەتى (حازىرەت) وسپاننىڭ ۇياتىن بەرسىن،
ازىرەتى ءالىنىڭ (عالىنىڭ) قۋاتىن بەرسىن!
يبرايىم (يبرايم) پايعامباردىڭ
مالىن بەرسىن،
اكىم لۇقپاننىڭ جاسىن بەرسىن،
اكىم سۇلەيمەننىڭ تاقىتىن بەرسىن!
ەسكەندىر (الەكساندر) زۇلقارنايىننىڭ
باقىتىن بەرسىن،
اتىمتاي جومارتتىڭ داڭقىن بەريۋىن،
ءداۋىت پايعامبارداي وتىز ۇل بەرسىن!
ۇل بەرسە، ورازدى بەرسىن،
قىز بەرسە، قىلىقتى بەرسىن!
جاسى ۇزىن بولسىن،
ءجۇزى قىزىل بولسىن!
ايعىرىڭ ءۇندى كەلسىن،
قوشقارىڭ ءجۇندى كەلسىن!
قىزىڭ قۇلدى كەلسىن،
ۇلىڭ قۇندى كەلسىن!
داۋلەتىڭ زيادا بولسىن،
دۇشپانىڭ قيادا بولسىن!
ۇلىڭ ۇيادا بولسىن،
قىزىڭ قيادا بولسىن!
ادام جالاسىنان، بۇلت الاسىنان،
كورىنەر، كورىنبەس مىڭ دا ءبىر پالەسىنەن -
پاتشا قۇدايىم ءوزى ساقتاسىن!
كاپىردى مۇسىلمان ەتكەن،
مۇسىلمانعا ءدىن ۇيرەتكەن،
اكىمدەردىڭ (ايىمداردىڭ) سالەمەتتىگىنە،
حالىق قامىن جەگەن -
قارقاراداي حانداردىڭ سالەمەتتىگىنە،
ەل قامىن جەگەن -
ەدىگەدەي بيلەردىڭ سالەمەتتىگىنە،
ءوز ەڭبەگىن ءوزى جەگەن،
قۇدايعا، شۇكىر، تاۋبە دەيىن -
قارا بۇقارا حالىقتىڭ سالەمەتتىگىنە!
حالقىن، جۇرتىن،
قانى بىرگە ۇلتىن -
ىلگەرى باستىرامىن دەگەن -
ەڭبەكشىل ەرلەردىڭ سالەمەتتىگىنە!
قوي ورنىنا ات بەرگەن
اتىمتايداي جومارتتاردىڭ سالەمەتتىگىنە!
باياعىدا تويعا جاسانىپ كەلگەن سۇلۋ قىز - دۇنيە قارتايىپ،
كايىرشى كەمپىر بولىپ، قاراپەيىل بايلاردى - ۇشىنعان سورپا،
ەت ەسەپتى قىلىپ، قاپشىعىنا سالىپ العان. «جەمەسە دە،
ماي جاقسى، بەرمەسە دە، باي جاقسى!» - دەگەن.
قاپ تۇبىندە قالعانداردىڭ سالەمەتتىگىنە!
مولدالارعا قول بەرگەن، كورپە سالىپ، تورگە العان -
ۋىزى ارىلماعان بايلاردىڭ سالەمەتتىگىنە!
حالقى، حالايىعى قوستاعان،
ورپىقتى سابا ۇستاعان-
بايبىشەلەردىڭ سالەمەتتىگىنە!
تاقىر جەردە تايعاق بار،
ءتاڭىرىم، وپان ساقتاسىن!
باتۋ جەردە پالە بار،
ماشايىق ونان ساقتاسىن
شۇڭقىر جەردە شايتان بار.
ساقتاۋشى ونان ساقتاسىن!
ويناقتاعان وڭ قولىڭ
اق بىلەكتە قارايسىن!
قيمىلداعان ەكى اياق
تابانىڭدا قارايسىڭ!
اۋزىنداعى وتىز ءتىس
تاڭدايىڭدا قارايسىڭ!
قۇداي قوسقان قوساعىڭ
بىرگە ىلەسىپ قارايسىڭ!
مالىڭىزعا، باسىڭىزعا بەرەكەت بەرسىن!
ساعان قاس ساعىنعانعا اپا-قۇلا ارەكەت بەرسىن!
كوكتەن جاۋدىرسىن،
جەردەن ءوندىرسىن!
بايدى قۇداي بايىتسىن،
بايبىشەنى قايىتسىن!
كيگەنىڭ كىر بولماسىن،
مىنگەنىڭ تەر بولماسىن!
اللا ويىندا تۇرسىن!
«قۇلقۋاللا» - قوينىڭىزدا،
«ءالحام» - اۋزىڭىزدا،
«ياسين» - جادىڭىزدا بولسىن!
بۇل وقىعان اياتتار اي بولسىن،
سەگىز پەيىش ورتاسىندا كوڭىلىڭ جاي بولسىن!
ىرگەڭدى ارالاپ، داۋ جەتپەسىن،
ەلىڭدى ارالاپ، جاۋ جەتپەسىن!
سىزگە پالە ساعىنعاننىڭ
ءوز باسىنان كەتپەسىن!
يا، جاليل، ءال-جاللات،
يا، كارىم، ال-كەرەمەت،
پەندەڭ ساعان امانات!
ساقتاعايسىڭ سالەمەت!
اللا اكبار!
بۇرىنعىلاردىڭ تاعى ءبىر باتاسى
ارقاداعى ابىلايداي بول؛
بۇحاراداعى دانيارداي بول!
قويكەلدىنىڭ قويىن بەرسىن،
قوي سويماستىڭ ويىن بەرسىن!
توقانىڭ جىلقىسىن بەرسىن،
اقىلدىنىڭ قۇلپىسىن بەرسىن !
بوقتىداي باي بول ،
بايكەلدى، بوستانداي مىرزا بول!
قاراسۋدان كوپىر سالىپ وتكەن -
تولىبايدىڭ جولىن بەرسىن!
ارقاداعى ابىلايداي داڭق بەرسىن،
بۇحاراداعى دانيارداي ب ا ق بەرسىن!
قوي سويماستىڭ ويىن بەرسىن ،
قويكەلدىنىڭ قويىن بەرسىن!
بوقتىداي بايلىق بەرسىن!
بايكەلدى، بوستانداي مىرزالىق بەرسىن!
ازناباي، ساپاقتاي بول ،
بايقوندى، باپاقتاي بول!
كەيىنگى ءبىر باتا
كوكشەتاۋ جاعىندا ءبىر ۇيگە قونعان ەكەن: اكەلى-بالالى ەكەۋى.
قونعان ءۇي كوجە قىلىپ بەرىپتى. سوندا اكەسى:
- داستارقانعا باتا قىلامىن، - دەگەندە، اكەسىنىڭ قولىن قاعىپ
جىبەرىپ:
- كوجە باتاسىنا مەن جۇيرىكپىن! - دەپ، شۇبىرتىپ سويلەپ باتا
قىلعانى:
- كوجە، كوجە، كور، ۇستان:
- قايدان شىققان بۇ كوجە؟
- اۋزى تۇكتى ورىستان!
قۇداي ۇرعان قۋ ەلسىڭ،
جاۋ شاپسا، ساعان بولىسپان!
قۇداي ايداپ ءبىز كەلدىك
ەل شەتى الىس قيىردان.
سويماعان سورلى نە ەتكەن جان،
قورا تولعان سيىردان.
جەۋىڭە قيماي جۇرگەندە،
تۇك قالماس جۇتتا بيىلدان!
كوجە ءشوپتىڭ باسى ەكەن،
قۋ كەدەيدىڭ اسى ەكەن.
سەپ باي بولىپ، نە ەتەسىڭ؟
ءتورت اياقتى مالدان-
تۇك كورە الماي، كەتەسىڭ!
ەشكىنى ەلدە كور،
قويدى مىڭ كۇندىك جولدا كور!
تۇيە تۋا بىتپەسىن،
جىلقىدان ساداقا كەت!
كوكشەتاۋدىڭ باسىن كورە كەل،
كوكوزەكتەن ارمان اسىپ، قالاعا كەت!
ءولى ارۋاق جەبەسىن،
ءتىرى ارۋاق دەمەسىن!
«وسى ۇيدەن ەت اسايمىن!» - دەپ،
كەلگەن بالانىڭ مەن ءسى...ءىن ەنەسىن!
ءوزى اش قوناق،
ءوزى قۋ قوناق-
مۇنان ارتىق نە دەيىن؟!
سوندا ءۇي يەسى ۇيالعاننان:
- مىنا بالەكەتكە قۋىرداق قۋىرىپ بەر، قاتىن! - دەپتى. -
ايتقان ءسوزى ەتتەن ءوتىپ، سۇيەككە جەتتى عوي! - دەگەن سوڭ، قۋىرداق
قۋىرىپ، تويعىزىپتى. قۋىرداققا بەرگەن باتاسى:
- مۇنىڭ اتى - قۋىرداق،
شىن ىقىلاسپەن بەرگەن سوڭ،
ءپىسىپ قالدى-اۋ جۋىردا-اق!
ماناعىنىڭ ءبارى ويىن،
ىرىسىڭ ءوسسىن دۋىلداپ!
ساعان قاستىق قىلعاننىڭ
بالاسى قالسىن شۋىلداپ!

---