بۋرياتيادا ماگنيتۋداسى 6،7 بولاتىن كۇشتى جەر سىلكىنىسى بولدى. بۇل يركۋتسك وبلىسىنىڭ بىرنەشە قالاسىنىڭ تۇرعىندارىن ۇيلەرىنەن شىعۋعا ءماجبۇر ەتتى، دەپ حابارلايدى infohub.kz سايتى.
سەيسميكالىق وقيعا تۋنكين اۋدانىندا تىركەلدى. رەسەي تجم ايماقتىق باسقارماسىنىڭ حابارلاۋىنشا، ەپيسەنتر كىرەن ەلدى مەكەنىنەن سولتۇستىك-باتىسقا قاراي 7،6 كم جەردە بولعان. ۆەدومستۆو حابارلاماسىندا: "تۋنكين اۋدانىندا سەيسميكالىق وقيعا تىركەلدى. ەپيسەنتر كىرەن ەلدى مەكەنىنەن سولتۇستىك-باتىسقا قاراي 7،6 كم قاشىقتىقتا ورنالاسقان"، - دەلىنگەن.
رەسەي عىلىم اكادەمياسىنىڭ ءبىرىڭعاي گەودەزيالىق قىزمەتىنىڭ بايكال بولىمشەسى جەر سىلكىنىسىنىڭ ەنەرگەتيكالىق كلاسى 12،9، ماگنيتۋداسى شامامەن 6،7 بولعانىن ناقتىلادى. جەر استى دۇمپۋلەرىن يركۋتسك، انگارسك، سليۋديانكا جانە شەلەحوۆ تۇرعىندارى سەزدى. كوزاۋەگەرلەردىڭ ايتۋىنشا، عيماراتتاردا ليۋسترالار مەن جيھازدار شايقالىپ، كەي ادامدار اسىعا ءۇي-جايلارىنان شىعىپ كەتكەن.
جاريالانىم كەزىندە قيراعاندار مەن زارداپ شەككەندەر تۋرالى اقپارات كەلىپ تۇسكەن جوق. ماماندار سەيسميكالىق احۋالدى باقىلاۋدى جالعاستىرۋدا.