تانىمال قازاقستاندىق بلوگەر جانە اكتەر بەكزات ەلەۋسىزوۆ، BekaEasy لاقاپ اتىمەن تانىمال، الماتىداعى ءبىر مەكەمەدە بولعان جانجالدان كەيىن كوپشىلىككە بەينەۇندەۋ جازىپ الدى. بۇعان دەيىن قازنەتتە ماس بلوگەردىڭ داياشىمەن دورەكى سويلەسىپ، ونى قورلاعان ۆيدەوسى تاراعان بولاتىن، دەپ حابارلايدى infohub.kz سايتى.
ەلەۋسىزوۆ ءوزىنىڭ مىنەز-قۇلقى جيىركەنىشتى بولعانىن مويىنداپ، پوليسيادا بولىپ، سوت جازاسىن وتەگەنىن ايتتى.
بەكزاتتىڭ ايتۋىنشا، وسى كۇندەرى ول قوعامنان جاسىرىنباي، كەرىسىنشە شوكتان ارىلۋعا، جانجالعا قاتىسۋشىلاردى تابۋعا جانە زاڭدى راسىمدەردەن وتۋگە تىرىسقان.
«مەن اپب-دا بولدىم، بىلاپىت سويلەگەنىم ءۇشىن سوتتان ءوتتىم جانە ايىپپۇلدى تولەدىم. وسى كۇندەرى ويىمدى جيناقتاۋعا تىرىستىم. بۇل جاي عانا دۇرىس ەمەس مىنەز ەمەس — بۇل جيىركەنىشتى مىنەز، ناعىز دوڭىزدىق. مەن مەكەمە قىزمەتكەرىنە بارىپ، ونىمەن جەكە سويلەستىم جانە كامەراسىز كەشىرىم سۇرادىم، بۇدان كونتەنت جاساماۋ ءۇشىن»، — دەدى BekaEasy.
بلوگەر سونداي-اق ۆيدەونى تۇسىرگەن قىزعا دا جۇگىندى. ول قىزدىڭ بايلانىسىن ىزدەگەنىن ايتىپ، جەكە كەشىرىم سۇراۋ ءۇشىن ونىمەن حابارلاسۋعا شاقىردى.
ءوزىنىڭ بەينەۇندەۋىندە ەلەۋسىزوۆ ەموسيالىق كۇيزەلىستىڭ سەبەپتەرىن تۇسىندىرۋگە تىرىستى. بلوگەر سوڭعى 10 ايدا اناسىنىڭ قايتىس بولۋىنا بايلانىستى اۋىر پسيحولوگيالىق كۇيدە جۇرگەنىن مويىندادى.
«ول مەنىڭ ەڭ جاقىن اداموم جانە تىرەگىم ەدى. مەن ءالى كۇنگە دەيىن بۇنىمەن كەلىسە المايمىن. تۇسىنەمىن، بۇل تەك مەنىڭ ماسەلەم جانە ونىڭ كەسىرىنەن ەشكىم زارداپ شەكپەۋى كەرەك، ءبىراق كەيدە وسى جاراقاتتى باسۋ ءۇشىن جالعىز ءىشىمدى ىشەتىنمىن»، — دەپ ءبولىستى ول.
بەكزات ەلەۋسىزوۆ بۇل ۇندەۋدى اۋديتوريا الدىندا ءوزىن «اقتاۋ» ءۇشىن جازىپ الماعانىن اتاپ ءوتتى. بلوگەر بولاشاقتا قوعامعا پايدا كەلتىرۋ جانە وسىنداي وقيعالاردى قايتالاماۋ ءۇشىن پسيحولوگتارعا بارىپ، ەمدەلۋگە نيەتتى ەكەنىن مالىمدەدى.