ۇكىمەت وتىرىسىندا قازاقستان پرەمەر-مينيسترى ولجاس بەكتەنوۆ «قازاۆتوجول» ۇلتتىق كومپانياسى» اق باسقارما ءتوراعاسى دارحان يماناشەۆكە جول سالاسىنداعى ءبىرقاتار ماسەلەلەردى اتاپ، قىزمەتتەن بوساتۋ ءقاۋپىن تۋعىزدى، دەپ حابارلايدى infohub.kz سايتى.
ۇلتتىق كومپانيا باسشىسىنىڭ بايانداماسىنان كەيىن بەكتەنوۆ ونىڭ ءبىرقاتار پروبلەمالىق ماسەلەلەردى ايتپاعانىن مالىمدەدى. «بايانداما جاقسى، ءبىراق ءسىز ايتپاعان كوپتەگەن پروبلەمالىق ماسەلەلەر بار. پرەزيدەنت اتاپ وتكەن بارلىق كەمشىلىكتەر ءسىزدىڭ جۇمىسىڭىزعا دا قاتىستى. جولداردىڭ ساپاسىن جاقسارتۋ قاجەت. جۇمىس ىستەڭىز، ايتپەسە باسقالار جۇمىس ىستەيتىن بولادى»، — دەدى پرەمەر-مينيستر.
بۇعان دەيىن قازاقستان پرەزيدەنتى قاسىم-جومارت توقايەۆ ەلدەگى جولداردىڭ جاي-كۇيى تۋرالى پىكىر بىلدىرگەن. «بۇل — ءبىزدىڭ «احيللەس وكشەمىز»، مۇنى مويىنداۋ كەرەك. بۇل ماسەلەنى ەشكىم شەشە المادى (بۇل ءوزى ۇيات) نەمەسە شەشكىسى كەلمەدى، ال بۇل — سابوتاج. زاڭنىڭ بارلىق قاتاڭدىعىمەن شارا قولدانامىز»، — دەگەن ەدى مەملەكەت باسشىسى.
وسىدان كەيىن ولجاس بەكتەنوۆ كولىك ءمينيسترى نۇرلان ساۋرانباەۆقا جانە اكىمدىكتەرگە پرەزيدەنتتىڭ ەلدەگى جولداردى قاتاڭ سىناۋىنان سوڭ تاپسىرمالار بەردى.