گوللاند-پالەستينالىق تەكتى امەريكاندىق سۋپەرمودەل بەللا حاديد Instagram-دا جانكۇيەرلەرىمەن كەزدەسۋىنەن فوتو جاريالادى. جازىلۋشىلار مودەلدىڭ قولىنان قازاقستاندىق شوكولادتى بايقادى، دەپ حابارلايدى infohub.kz سايتى.
العاشقى سۋرەتتەردە مودەل جانكۇيەرلەرىمەن بىرگە تۇسكەن، قولىندا ەشتەڭە جوق. الايدا كەيىنگى كادرلاردا ول كوك قاپتاماداعى قازاقستاندىق شوكولادتى ۇستاپ تۇر.
جاريالانىمدا مودەل ءوزىنىڭ كوسمەتيكالىق برەندىن قولداعانى ءۇشىن جانكۇيەرلەرىنە العىس ايتتى. «كوڭىلدى بولدى! ءبىز مۇنى قالاي ىستەيمىز!! وتباسىممەن بىرگە ultabeauty. حالىقارالىق دەڭگەيگە شىعىپ جاتقان «تۇڭعىشىم» – وrebella تۋرالى بولەك ايتقىم كەلەدى. سىزدەرمەن كەزدەسۋ جانە ورتاق وتباسىمىزدى قۇرۋ – ومىرىمدەگى ەڭ ۇلكەن ءارى ەڭ ادەمى جەتىستىكتەرىم. قۇدايعا شۇكىر»، – دەپ جازدى بەللا حاديد.
قازاقستاندىق جازىلۋشىلار سۋرەتتەردىڭ بىرىندە مودەلدىڭ قولىندا قازاقستاندىق شوكولادتى بايقاعان سوڭ، كوپتەگەن پىكىر قالدىرا باستادى. «قازاقتار ۆەزدە»، «جانىم بەللا»، «ا چەي ەتو تۋت شوكولاد»، – دەپ جازدى جانكۇيەرلەر پىكىرلەردە.
انىقتالعانداي، بۇل ءىس-شارا 2025 جىلدىڭ قاراشا ايىندا دۋبايدا وتكەن، الايدا بەللا حاديد فوتونى تەك 2026 جىلدىڭ 22 قىركۇيەگىندە جاريالاعان. دۋبايدا مودەلمەن كەزدەسۋگە بارعان Instagram قولدانۋشىسى aakzha.n وعان قازاقستاندىق شوكولادتى سىيلاعان. «بەللانى قازاقستاندا كۇتەمىز. قازاقستاندىق شوكولادسىز بولمايدى»، – دەپ جازدى ول.