بريتاندىق اكتەرلەر بەنەديكت كامبەربەچ، الان كاممينگ جانە بەنەديكت ۆونگ The Guardian گازەتىندە بىرلەسكەن ماقالا جاريالاپ، ۇلىبريتانيانىڭ مادەنيەت ءمينيسترى ليزا نەنديدى Paramount پەن Warner Bros. Discovery كومپانيالارىنىڭ 111 ميلليارد دوللارعا باعالانعان بىرىگۋ كەلىسىمىنە توسقاۋىل قويۋعا شاقىردى، دەپ حابارلايدى infohub.kz سايتى.
ولاردىڭ پىكىرىنشە، مەديا الىپتاردىڭ بىرىگۋى بريتان كينويندۋسترياسىنا ەلەۋلى زيان كەلتىرەدى. اكتەرلەر كورپوراسيالار كوپ ميللياردتىق قارىزدى جابۋ ءۇشىن شىعىنداردى قىسقارتا باستايدى دەپ قاۋىپتەنەدى. بۇل جاپپاي جۇمىستان بوساتۋعا، جوسپارلانعان تۇسىرىلىمدەردىڭ توقتاتىلۋىنا جانە جاڭا كينو جوبالاردىڭ ازايۋىنا اكەلەدى.
سونىمەن قاتار، اكتەرلەر Channel 5 جانە CNN International سياقتى جاڭالىقتار رەسۋرستارىنىڭ ءبىر يەگەردىڭ قولىندا شوعىرلانۋىنا الاڭداۋشىلىق ءبىلدىردى. ولار ۇلىبريتانيا بيلىگى ۇلتتىق كينوبيزنەستى قورعاۋ ءۇشىن كەلىسىمدى بۇعاتتاۋ تۋرالى شەشىمدى ءوز بەتىنشە قابىلداۋى كەرەك دەپ ەسەپتەيدى. بۇل رەتتە Paramount باسشىلىعى كەلىسىمدى اقش سوتىنىڭ شەشىمىنە دەيىن كەيىنگە قالدىرۋعا كەلىسكەنىن اتاپ وتكەن ءجون.