گەرمانيا استاناسىندا ەكىنشى دۇنيەجۇزىلىك سوعىس كەزەڭىنىڭ اۋە بومباسى تابىلدى. ول تابىلعان جەردە توتەنشە جاعداي رەجيمى ەنگىزىلىپ، حالىق جاپپاي ەۆاكۋاسيالاندى، دەپ حابارلايدى infohub.kz سايتى.
ربك بەرلين پوليسياسىنا سىلتەمە جاساپ حابارلاعانداي، ءوق-دارى گەرمانيا استاناسىنىڭ وڭتۇستىك-باتىسىندا ورنالاسقان نويكەلن اۋدانىنداعى كەمە جۇزەتىن كانالدان تابىلعان. وقيعا ورنىنا جارىلعىش زاتتاردى زالالسىزداندىرۋ ماماندارى جەدەل جەتتى.
جەرگىلىكتى ب ا ق مالىمەتىنشە، بومبا تابىلعان جەردىڭ اينالاسىنا راديۋسى شامامەن 500 مەتر بولاتىن قورشاۋ ورناتىلعان. قۇقىق قورعاۋ ورگاندارى قىزمەتكەرلەرى 5،6 مىڭ ءۇي شارۋاشىلىعىنىڭ تۇرعىندارىن، سونداي-اق مەكتەپتەردە، قارتتار ۇيلەرىندە جانە بالاباقشالاردا بولعان ادامداردى ەۆاكۋاسيالادى.
تابىلعان سناريادتىڭ سالماعى شامامەن 100 كەلى ەكەنى اتاپ وتىلەدى. ءقازىر ساپەرلەر ونى زالالسىزداندىرۋ جۇمىستارىن جۇرگىزۋدە.