بەرليندەگى Christopher Street Day لگبت-شەرۋىنە قاتىسۋشىلاردى قاعىپ كەتۋگە كۇدىكتى 21 جاستاعى ابدۋل باللۋت بۇعان دەيىن تەرروريزم دايىنداعانى ءۇشىن سوتتالعان، دەپ حابارلايدى infohub.kz.
نەمىس BILD باسىلىمىنىڭ دەرەگىنشە، 2025 جىلى باللۋت سيرياعا كەتۋگە تىرىسقان، الايدا ليۆاندا ۇستالىپ، ەل ازاماتى رەتىندە گەرمانياعا قايتارىلعان.
2026 جىلدىڭ مامىرىندا بەرليننىڭ تيرگارتەن اۋداندىق سوتى ونى مەملەكەتتىك قاۋىپسىزدىككە قارسى اۋىر قىلمىس دايىندادى دەپ كىنالى دەپ تانىپ، ءبىر جىل ون ايعا باس بوستاندىعىنان ايىرۋ جازاسىن كەستى. پروكۋراتۋرا جازانى تىم جەڭىل دەپ ساناپ، ەكى جىل ون اي تالاپ ەتىپ، ۇكىمگە شاعىمداندى. اپەللياسيا قارالعانعا دەيىن ەر ادام بوستاندىقتا قالدى: ول پوليسيا باقىلاۋىندا بولدى، تەلەفونى تىڭدالدى، ءوزى اپتا سايىن كۋراتورعا بارىپ تىركەلۋگە مىندەتتى ەدى.
سونىمەن قاتار، باللۋت راديكالسىزداندىرۋ باعدارلاماسىنان وتكەن. WELT مالىمەتىنشە، ول 15 ماۋسىم مەن 9 شىلدەدە ەرىكتى تۇردە كەڭەس الۋعا قاتىسقان، ال كەلەسى كەزدەسۋ شابۋىلدان كەيىنگى كۇنگە بەلگىلەنگەن بولاتىن. باعدارلاما بارلىعى 26 وسىنداي ساباقتى قامتىعان.
قايعىلى وقيعا 25 شىلدە كەشكە تيرگارتەن ساياباعىندا براندەنبۋرگ قاقپالارىنىڭ جانىندا بولدى. جۇك فۋرگونى Christopher Street Day لگبت-شەرۋىنە قاتىسۋشىلار توبىنا سوقتىعىستى. سالدارىنان ءبىر ادام قازا تاۋىپ، تاعى 17 ادام جاراقات الدى. قاعىپ كەتكەننەن كەيىن تەرگەۋشىلەر زاقىمدالعان فۋرگوننان كۇدىكتىنىڭ ۇيالى تەلەفونىن تاپتى. باللۋتتىڭ ءوزى جاسىرىنىپ كەتتى. پوليسيا ونى بۇكىل ەۋروپا بويىنشا ىزدەۋدى جالعاستىرۋدا جانە ەر ادامنىڭ قارۋلى بولۋى مۇمكىن ەكەنىن، اينالاسىنا ءقاۋىپ توندىرەتىنىن ەسكەرتەدى.