مانعىستاۋ وبلىسىندا بەس ادامنىڭ ءومىرىن قيعان جول اپاتىنان كەيىن جولدى تيىسىنشە كۇتىپ-ۇستاماۋ ءىسى بويىنشا ۇكىم شىقتى. بۇل تۋرالى infohub.kz سايتى حابارلايدى.
باس كولىك پروكۋراتۋراسىنىڭ مالىمەتىنشە، مانعىستاۋ وبلىسى بەينەۋ اۋداندىق سوتى 2026 جىلعى 16 قاڭتاردا دوسسور – قۇلسارى – بەينەۋ – ساي-وتەس – شەتپە – جەتىباي – اقتاۋ رەسپۋبليكالىق ماڭىزى بار تاس جولىندا بولعان جول-كولىك وقيعاسى بويىنشا قىلمىستىق ءىستى قارادى.
«تاقتاي مۇز سالدارىنان Yutong ماركالى جولاۋشىلار اۆتوبۋسى جولدان شىعىپ، اۋدارىلىپ قالدى. اپات سالدارىنان بەس ادام قازا تاۋىپ، تاعى 14 ادام جاراقات الدى»، — دەدى قاداعالاۋ ورگانىندا.
تەرگەۋ بارىسىندا قايعىلى وقيعانىڭ سەبەبى اۆتوجولدىڭ قىسقى تيىسىنشە كۇتىلمەۋى ەكەنى انىقتالدى. تەرگەۋ جاۋاپتى تۇلعالاردىڭ ارەكەتcىزدىگى مەن ورىن العان زارداپتار اراسىنداعى تىكەلەي سەبەپ-سالدارلىق بايلانىستى دالەلدەدى.
«بۇل قازاقستاننىڭ قۇقىق قولدانۋ پراكتيكاسىنداعى العاشقى قىلمىستىق ءىس، وندا اۆتوجولدىڭ قىسقى تيىسىنشە كۇتىلمەۋى ادامداردىڭ قازاسى ءۇشىن قىلمىستىق جاۋاپكەرشىلىككە تارتۋعا نەگىز بولدى»، — دەپ قوستى باس كولىك پروكۋراتۋراسى.
سوت ۇكىمىمەن «قاجسەرۆيس» ج ش س مانعىستاۋ وبلىستىق فيليالى جەب-57 باستىعى قازاقستان رەسپۋبليكاسى قىلمىستىق كودەكسىنىڭ 353-بابى 4-بولىگى بويىنشا كىنالى دەپ تانىلدى. وعان 2 جىل 6 اي باس بوستاندىعىنان شەكتەۋ جازاسى شارتتى تۇردە تاعايىندالدى.
ايتا كەتەيىك، ۇكىم ءالى زاڭدى كۇشىنە ەنگەن جوق.