جاڭا «بانكتەر تۋرالى» زاڭعا سايكەس، امبەباپ ليسەنزيا قارجى مەكەمەلەرىنە شەكتەۋسىز بارلىق بانك وپەراسيالارىن جۇرگىزۋگە مۇمكىندىك بەرەدى. بۇل تۋرالى infohub.kz سايتى حابارلادى.
15 شىلدەدە قارجى نارىعىن رەتتەۋ جانە دامىتۋ اگەنتتىگى بەس زاڭدى تۇلعاعا امبەباپ بانك ليسەنزياسىن بەرگەنىن مالىمدەدى. زاڭ ەكى ءتۇرلى ليسەنزيانى قاراستىرادى: امبەباپ جانە بازالىق. ءبىرىنشىسى كەز كەلگەن وپەراسيالاردى جۇرگىزۋگە قۇقىق بەرەدى، ال ەكىنشىسى — شەكتەۋلى: دەپوزيتتەر تارتۋعا، ازاماتتار مەن بيزنەستى نەسيەلەۋگە، ەسەپ ايىرىسۋ-كاسسالىق قىزمەت كورسەتۋگە مۇمكىندىك بەرەدى، ءبىراق رەزيدەنت ەمەستەرگە نەسيە بەرۋگە، تۋىندى قارجى قۇرالدارىمەن جۇمىس ىستەۋگە جانە شەتەلدىك اكتيۆتەرگە ينۆەستيسيالاۋعا تىيىم سالادى.
قازاقستانداعى بارلىق بانكتەر زاڭ كۇشىنە ەنگەننەن كەيىن التى اي ىشىندە ءوز ليسەنزيالارىن امبەباپ نەمەسە بازالىق ليسەنزياعا اۋىستىرۋعا مىندەتتى.
امبەباپ ليسەنزيانى «Alatau City Bank» اق، «ForteBank» اق، «Kaspi Bank» اق، «قازاقستان حالىق بانكى» اق (Halyk Bank)، «فريدوم بانك قازاقستان» اق (Freedom Bank) الدى. بارلىق جاعدايدا ليسەنزيالار بانكارالىق نەسيەلەر مەن كەپىلدىكتەر سياقتى قوسىمشا قارجى وپەراسيالارىن قامتيدى. Freedom Bank-كە قوسىمشا مەتالل شوتتارىن اشۋ جانە جۇرگىزۋ، سونداي-اق تۇرعىن ءۇي قۇرىلىس جيناقتارىنا دەپوزيتتەر قابىلداۋ كورسەتىلگەن.
ال قازاقستان بانكتەرىندە 90 كۇننەن استام مەرزىمى وتكەن نەسيەلەردىڭ ۇلەسى (NPL 90+) 2026 جىلدىڭ باسىنان بەرى 14%-عا ءوستى.