اتىراۋ – اقتوبە باعىتىمەن جۇرگەن پويىزدا بيلەتسىز كەلە جاتقان ەر ادام كوز جۇمدى. كىنالىلەر جاۋاپقا تارتىلدى، دەپ حابارلايدى infohub.kz سايتى.
وقيعا 2026 جىلعى 13 شىلدەدە قاندىاعاش – اقتوبە ۋچاسكەسىندەگى №691/692 جولاۋشىلار پويىزىندا بولدى. «جولاۋشىلار تاسىمالى» كومپانياسىنىڭ حابارلاۋىنشا (دەپ جەتكىزدى «قازينفورم» حاا)، پويىز باستىعى بيلەتسىز جولاۋشىنىڭ ۆاگونعا وتىرعىزىلعانىن، ال ونى پروۆودنيكتىڭ وتكىزگەنىن مالىمدەگەن. جولاۋشى جول ۇستىندە كەنەتتەن قايتىس بولدى.
كومپانيانىڭ قوسۋىنشا، ۆاگونداعى اۋا كونديسيونەرلەۋ جۇيەسى قالىپتى رەجيمدە جۇمىس ىستەگەن، ال تەمپەراتۋرالىق رەجيم بەلگىلەنگەن نورماتيۆتەرگە سايكەس بولعان.
ءمايىت اقتوبە ستانسياسىنا كەلگەننەن كەيىن قاجەتتى پروسەسسۋالدىق ءىس-شارالاردى جۇرگىزۋ ءۇشىن ۋاكىلەتتى ورگانداردىڭ قىزمەتكەرلەرىنە تاپسىرىلدى.
ىشكى قىزمەتتىك تەرگەۋ قورىتىندىسى بويىنشا ۆاگوننىڭ ەكى پروۆودنيگى مەن پويىز باستىعىمەن ەڭبەك شارتتارى بۇزىلدى. سونىمەن قاتار، اقتوبە ۋچاسكەسىنىڭ باستىعى مەن وندىرىستىك وقىتۋ نۇسقاۋشىسىنا قاتاڭ سوگىس جاريالاندى. «باتىس» فيليالىنىڭ باسشىلىق قۇرامىنا قاتىستى دا جۇمىستان شىعارۋعا دەيىنگى قاتاڭ تارتىپتىك شارالار قولدانۋ جوسپارلانۋدا.
وقيعانىڭ ءمان-جايىن اقتوبە ستانسياسىنداعى جەلىلىك پوليسيا ءبولىمىنىڭ قىزمەتكەرلەرى تەرگەپ جاتىر. جولاۋشىنىڭ ەكى جاقتى وكپە قابىنۋىنان قايتىس بولۋى مۇمكىن دەگەن بولجام بار.