ءبىلىم بەرۋدەگى قۇزىرلىلىق

ءبىلىم بەرۋدەگى قۇزىرلىلىق
ءمۇعالىم - ءوزىنىڭ ءبىلىمىن ۇزدىكسىز كوتەرىپ وتىرعاندا عانا ءمۇعالىم، ال وقۋدى، ىزدەنۋدى توقتاتقانمەن ونىڭ مۇعالىمدىگى دە جويىلادى. ك. د. ۋشينسكي.
ورىس پەداگوگى ك. د. ۋشينسكي ايتقانداي، قازىرگى زامان تالابىنا ساي، ءار ءمۇعالىم، ءوز ءبىلىمىن جەتىلدىرىپ، ەسكى ءبىر سارىندى ساباقتاردان گورى، جاڭا تالاپقا ساي يننوۆاسيالىق تەحنولوگيالاردى ءوز ساباقتارىندا كۇندەلىكتى پايدالانسا، ساباق تارتىمدى دا، ءماندى، قونىمدى، ءتيىمدى بولارى ءسوزسىز. بۇل جونىندە قازاقستان رەسپۋبليكاسى «ءبىلىم تۋرالى» زاڭىنىڭ 8 - بابىندا «ءبىلىم بەرۋ جۇيەسىنىڭ باستى مىندەتتەرىنىڭ ءبىرى – وقىتۋدىڭ جاڭا تەحنولوگيالارىن ەنگىزۋ، ءبىلىم بەرۋدى اقپاراتتاندىرۋ، حالىقارالىق عالامدىق كوممۋنيكاسيالىق جەلىلەرگە شىعۋ» دەپ اتاپ كورسەتكەن. ەلباسىمىز ن. ءا. نازاربايەۆ جولداۋىندا ايتقانداي: «بولاشاقتا وركەنيەتتى دامىعان ەلدەردىڭ قاتارىنا ەنۋ ءۇشىن زامان تالابىنا ساي ءبىلىم قاجەت. قازاقستاندى دامىعان 50 ەلدىڭ قاتارىنا جەتكىزەتىن، تەرەزەسىن تەڭ ەتەتىن – ءبىلىم». سوندىقتان، قازىرگى دامۋ كەزەڭى ءبىلىم بەرۋ جۇيەسىنىڭ الدىندا وقىتۋ ءۇردىسىنىڭ تەحنولوگيالاندىرۋ ماسەلەسىن قويىپ وتىر. وقىتۋدىڭ ءارتۇرلى تەحنولوگيالارى ساراپتالىپ، جاڭاشىل پەداگوگتاردىڭ ءىس – تاجىريبەسى زەرتتەلىپ، مەكتەپ ومىرىنە ەنۋدە. قازاقستان جاڭا عاسىرعا دۇنيە ءجۇزى ەلدەرى قاتارىندا تەرەزەسى تەڭ ەل رەتىندە كەلىپ وتىر. جاڭا عاسىردى باستاعان ۇرپاق كەلەر ۇرپاققا قارىزدار بولىپ قالماس ءۇشىن قولدان كەلگەن يگىلىكتەردى جاسايتىنى انىق. قاشاندا ءبىلىمى مول، رۋحاني بايلىعى بار حالىقتىڭ ۇل - قىزدارى ەشقاشان دا جۇدەمەسى حاق. ءبىزدىڭ باستى بايلىعىمىز – ءبىلىم.

بولاشاق – ءبىلىم مەن عىلىمعا تاۋەلدى بولاتىنى ايدان انىق نارسە. قازىرگى جاس ۇرپاقتىڭ ءبىلىمى مەن تاربيەسى قانداي دارەجەدە بولسا، ەلىمىزدىڭ ەرتەڭى دە سونداي دارەجەدە بولماق. سوندىقتان قوعام تالابىنا ساي، قوعامدى كوركەيتەتىن، دامىتاتىن، قازاقستان رەسپۋبليكاسىنىڭ ىشكى جانە سىرتقى ىستەر بايلانىسىندا مەملەكەتتىڭ وركەنيەتى ءۇشىن ەڭبەك ەتەتىن، شەتەلدەرمەن ەركىن عىلىمي جانە مادەني قارىم - قاتىناس جاساي الاتىن، انا ءتىلىن جەتىك بىلەتىن، ۇلتجاندى ازامات دايىنداۋ – بۇگىنگى ۇستاز قاۋىمىنىڭ باستى ماقساتى.

ءبىلىم – تەڭىز، مەكتەپ – كەمە. ءمۇعالىم – مەكتەپتىڭ جۇرەگى. ءبىلىم نارىمەن سۋسىنداپ، ونىڭ قۇپياسىن اشا ءبىلۋ – كۇردەلى دە قيىن ءىس. وسى ءبىلىم تەڭىزىندە ەركىن ءجۇزدىرۋ – بالا جانىنىڭ باعبانى ءمۇعالىمنىڭ ءىس - ارەكەتى. ءمۇعالىمنىڭ ءبىر - بىرىنە جانە ەشكىمگە ۇقسامايتىن ساباقتارى كەلەر ۇرپاقتى زامان تالابىنا ساي وقىتىپ، تاربيە بەرمەك.

باتىس قازاقستان وبلىسى، كازتالوۆ اۋدانى،
قاراسۋ ورتا جالپى ءبىلىم بەرۋ مەكتەبىنىڭ باستاۋىش سىنىپ ءمۇعالىمى
س. س. مۋحامبەتكاليەۆا