ءبىلىم جولى - سارا جول

ءبىلىم جولى - سارا جول.
ءبىز ءۇشىن ەڭ باستى ماقسات: بىلىكتى مامان بولۋ، تاربيەلەۋ.
قاراپايىم حالىق بيلىك باسىنداعىلاردى بىلگەنىن ىستەپ جاتىر، ءبىلىم جۇيەسى ءوز دەڭگەيىندە ءجۇرىپ جاتقان جوق دەپ سوگۋدە. اتا - انالار ۇستازدى، مۇعالىمدەر وقۋشىنى، ەمدەلۋشىلەر دارىگەرلەردى، دارىگەرلەر ايلىقتى، وپپوزيسيونەرلەر ساياسي جۇيەنى، ياعني بارشامىز باسقالارعا كىنا تاعۋمەن ءومىرىمىزدى وتكىزىپ جاتىرمىز. دەگەنمەن ءبىلىم مينيسترلىگىنىڭ 1 ناۋرىزىندا بەكىتىلگەن 2016 - 2019جىلداردى قامتيتىن ق ر عىلىم مەن ءبىلىم بەرۋدى دامىتۋ مەملەكەتتىك باعدارلاماسىندا ايتىلعان ءۇش ءتىلدى ءبىلىم بەرۋ جۇيەسى قيىندىق تۋعىزعانىمەن بولاشاقتا ءبىر ىزگە تۇسەتىنى انىق.
5 كۇندىك وقىتۋ ستاندارتتارىن ەنگىزۋ. 5 كۇندىك وقۋ جاقسى، ەلىمىزدەگى مەكتەپتەردىڭ كوبى ءىى اۋىسىممەن وقيدى. ساعاتتارى ۇزايتىن مەكتەپتەرگە وقۋشى سيماي قالماي ما؟ ءالى شيكى تاجىريبە عوي دەيمىن.

بيلىك باسىنداعىلار قازاقستاندىق جاس ۇرپاقتى باسقا ەلمەن تەرەزەسى تەڭ، كوكىرەگى وياۋ، سانالى، ساليقالى ازامات بولسا ەكەن دەگەن نيەتپەن جاڭا مەملەكەتتىك باعدارلاما قابىلداپ جاتىر. قازىرگى تاڭداعى اپتانىڭ التى كۇنىندە وقىپ جۇرگەن وقۋشىلار ەندى 5 كۇندىك وقۋ جۇيەسىنە كوشپەك.
ال، ەندى ءبىز 5 كۇندىك وقۋ جۇيەسىنە دايىنبىز با؟ كوپتەگەن اتا - انالار بۇل جۇيەنىڭ ءتيىمسىز ەكەندىگىن ايتادى. ويتكەنى، سەنبى كۇنى قوسىمشا ساباقتار مەن ۇيىرلەلەرگە قاتىسۋعا ۋاقىت جەتپەيدى. ال، ۇستازدار سەنبىنى شىعارماشىلىققا ارناعاندى قۇپ كورىپ وتىر. اتالمىش جۇيە وقۋ جۇكتەمەسىن ازايتىپ قانا قويماي، سونداي - اق، بالانىڭ ەركىن بەلسەندى ارەكەت ەتۋىنە جاعداي تۋعىزادى ەمەس پە؟ سونىمەن قاتار، مامىر، ماۋسىم ايلارى جاز ايلارى بولعاندىقتان كۇن ىسىپ، بالانىڭ ساباققا دەگەن ىنتاسى جوعالادى ەمەس پە؟

ەكونوميكانىڭ ورنىقتى دامۋى ءۇشىن ءبىلىم بەرۋدىڭ جانە عىلىمنىڭ باسەكەگە قابىلەتتىلىگىن ارتتىرۋ، ادامي كاپيتالدى دامىتۋ بولعاندىقتان، قازاقستان رەسپۋبليكاسىندا ءبىلىم بەرۋدى جانە عىلىمي دامىتۋدىڭ 2016 - 2019جىلدارعا ارنالعان مەملەكەتتىك باعدارلاماسى ءوز اياسىندا دۇرىس دەڭگەيدە جۇزەگە اسۋىن قولدايمىز.