Microsoft كورپوراسياسىنىڭ تەڭ قۇرىلتايشىسى بيلل گەيتس جاساندى ينتەللەكت بۇرىن-سوڭدى بولماعان اۋقىمدا زيان كەلتىرەتىن قۇرالعا اينالۋى مۇمكىن دەپ مالىمدەدى. كاسىپكەر NBC News تەلەارناسىنا بەرگەن سۇحباتىندا قاسكويلەر جاساندى ينتەللەكتىڭ وزىق تەحنولوگيالارىن پايدالانىپ، ميلليارد ادامنىڭ ولىمىنە اكەپ سوعاتىن وقيعالاردى باستاۋى ىقتيمال ەكەنىن ەسكەرتتى، دەپ حابارلايدى infohub.kz سايتى.
«جاساندى ينتەللەكت ميلليارد ادامنىڭ ولىمىنە اكەلەتىن وقيعالاردى باسقارۋعا ابدەن قاۋقارلى. 100 پايىزعا جەتۋ قيىن بولعانىمەن، ز ۇلىم نيەتتەگى ادامداردىڭ جاساندى ينتەللەكتىڭ وزىق قۇرالدارىن بىرىكتىرىپ قولدانۋىنان قۋاتتى قارۋ بولعان ەمەس»، — دەپ كەلتىرەدى گەيتستىڭ ءسوزىن NBC News.
كاسىپكەردىڭ پىكىرىنشە، ازىرلەۋشىلەر قاۋىپسىزدىك ەرەجەلەرىنىڭ بارلىعىن ءوز بەتىنشە بەلگىلەمەۋى كەرەك. ول اقش بيلىگىن جاساندى ينتەللەكتىگە مىندەتتى باقىلاۋ تالاپتارىن ەنگىزۋگە جانە تالقىلاۋعا زاڭ شىعارۋشىلار مەن قۇقىق قورعاۋ ورگاندارىن تارتۋعا شاقىردى.
«ءوزىن-وزى رەتتەۋ جەتكىلىكتى دەپ ەشكىم ويلامايدى»، — دەدى گەيتس.
ول مىندەتتى باقىلاۋ كومپانيالاردان قوسىمشا شىعىن تالاپ ەتەتىنىن، ءبىراق تەحنولوگيانىڭ دامۋىن ايتارلىقتاي تەجەمەۋى ءتيىس ەكەنىن قوستى. NBC News سۇحباتتىڭ تولىق نۇسقاسىن 27 قىركۇيەكتە كورسەتۋدى جوسپارلاپ وتىر.