بىرىككەن سوزدەر

ساباقتىڭ تاقىرىبى: بىرىككەن سوزدەر
ساباقتىڭ ماقساتى:
بىلىمدىلىك ماقسات: وقۋشىلارعا بىرىككەن سوزدەر تۋرالى تۇسىنىك بەرە وتىرا، بىرىككەن سوزدەر تۋرالى انىقتامانى وزدەرى شىعارىپ الۋىنا جاعداي تۋعىزۋ. بىرىككەن سوزدەردىڭ جاسالۋ جولدارىن كورسەتۋ، تۇرلەرىن اجىراتۋعا ماشىقتاۋ، بىرىككەن سوزدەردى پراكتيكادا دۇرىس جازۋعا داعدىلاندىرۋ.
تاربيەلىك ماقسات: شىعارماشىلىق جۇمىسقا باۋلۋ، ءتىلدى قۇرمەتتەۋگە، تابيعاتتى ايالاۋعا، قورعاۋعا تاربيەلەۋ.
دامىتۋشىلىق ماقسات: وقۋشىلاردى ويىندار ارقىلى ويلاۋ قابىلەتىن دامىتۋ، تاپقىرلىق، ىزدەنىمپازدىق
قاسيەتتەرىن قالىپتاستىرۋ. جاتتىعۋلاردى ءوز بەتتەرىنشە ورىنداۋ ارقىلى وي ورىستەرىن، تانىم قابىلەتتەرىن ارتتىرۋ.

وتكەن ساباقتاردى قايتالاۋ "سالەمەتسىز بە؟"ويىنى
1. ءتۇبىر دەگەنىمىز نە؟
ءسوزدىڭ باستاپقى ماعىنالى بولشەگىن ءتۇبىر دەيمىز.
2. قوسىمشا دەگەنىمىز نە؟
قوسىمشا – ءسوزدىڭ تۇبىرگە جالعانعان بولىگى.
3. قوسىمشا قانشا تۇرگە بولىنەدى؟ ولاردى اتا.
قوسىمشا 2 تۇرگە بولىنەدى: جۇرناق جانە جالعاۋ.
4. جۇرناق نەشەگە بولىنەدى؟
جۇرناق ەكىگە بولىنەدى: ءسوز تۋدىرۋشى جۇرناقتار جانە ءسوز تۇرلەندىرۋشى جۇرناقتار.
5. سوزدەر قۇرامى جاعىنان قالاي بولىنەدى؟
سوزدەر قۇرامى جاعىنان دارا جانە كۇردەلى بولىپ ەكىگە بولىنەدى.
6. دارا سوزدەر دەگەنىمىز نە؟
ءبىر عانا تۇبىردەن تۇراتىن نەگىزگى جانە تۋىندى ءتۇبىر ءسوزدى دارا ءسوز دەيمىز
7. كۇردەلى سوزدەر دەگەنىمىز نە؟
ەكى نەمەسە ودان دا كوپ تۇبىردەن قۇرالعان ءسوزدى كۇردەلى ءسوز دەپ اتالادى.

كۇردەلى ءسوز اتا.
بىرىككەن ءسوز، قوس ءسوز، قىسقارعان ءسوز، تىركەستى ءسوز.

ەكى يا ودان دا كوپ تۇبىردەن بىرىگىپ، تۇتاس ءبىر ۇعىمدى بىلدىرەتىن كۇردەلى سوزدەر بىرىككەن كۇردەلى سوزدەر دەپ اتالادى. مىسالى: بەلبەۋ، اشۋداس، ونەركاسىپ، ت. ب.
بىرىككەن سوزدەر سلايد جۇكتەۋ