سالتانات نۋكەنوۆانى ولتىرگەنى ءۇشىن سوتتالعان قۋاندىق بيشىمباەۆتىڭ بۇرىنعى ايەلى نازىم قاحارمان ونىڭ اناسى وزىنە قارسى سوتقا تالاپ ارىز بەرگەنىن مالىمدەدى، دەپ حابارلايدى infohub.kz.
قاحارمان Instagram-داعى جازبالارىندا بۇرىنعى قايىن ەنەسى ودان شامامەن 25 ميلليون تەڭگە ءوندىرىپ الۋدى كوزدەپ وتىرعانىن ايتتى. ونىڭ ايتۋىنشا، بۇل — سوڭعى ەكى جىلدا ولار تاراپىنان تۇسكەن ءتورتىنشى تالاپ ارىز، الايدا بيشىمباەۆتىڭ اناسىنان تۇسكەن العاشقىسى. ال قاحارماننىڭ ءوزى وسى ۋاقىت ىشىندە تەك ءبىر عانا تالاپ ارىز بەرگەن — اتا-انا قۇقىعىنان ايىرۋ تۋرالى.
ول سونداي-اق تالاپتىڭ ءمانىن ءتۇسىندىردى: بۇرىن فيتنەس-كلۋب ورنالاسقان، قۋاندىق بيشىمباەۆتىڭ اناسىنا رەسىمدەلگەن ءۇي-جاي تۋرالى بولىپ وتىر. قاحارمان بيزنەستى سەنىمگەرلىك باسقارۋ شارتى نەگىزىندە جۇرگىزگەنىن، وسىعان بايلانىستى تالاپ قويىلعانىن ايتادى.
«ءقازىر سەنىمگەرلىك باسقارۋ شارتى تۇزاققا اينالۋى مۇمكىن ەكەنىن ءتۇسىنىپ وتىرمىن. جىلدار وتكەن سوڭ مەنەن تالاپكەرلەر وسى بيزنەستەن تۇسكەن دەپ ەسەپتەيتىن اقشانى قايتارۋدى تالاپ ەتىپ وتىر»، — دەدى قاحارمان.
بيشىمباەۆتىڭ بۇرىنعى ايەلى ەندى ءوزىنىڭ اليمەنت تولەۋ تۋرالى تالاپپەن سوتقا جۇگىنۋىن جوققا شىعارمادى.