ەكى جىل بۇرىن استانادا بۇرىنعى ۇلتتىق ەكونوميكا ءمينيسترى قۋاندىق بيشىمباەۆقا قاتىستى سوت پروسەسى ءوتىپ جاتقان كەزدە رەسەيلىك بلوگەر، پسيحولوگ ءارى كوۋچ ناتاليا گرەيس سوت وتىرىسىنا قاتىسقان بولاتىن. كەيىننەن ونىڭ YouTube ارناسىندا بيشىمباەۆتىڭ اتا-اناسىمەن سۇحباتى جاريالاندى. اڭگىمە بارىسىندا ولار وقيعاعا قاتىستى ءوز ۇستانىمىن ايتىپ، ۇلىنىڭ مىنەزى، ءومىرى جانە مارقۇم سالتانات نۇكەنوۆامەن قارىم-قاتىناسى تۋرالى پىكىر بىلدىرگەن ەدى.
بۇل سۇحبات كوپشىلىك اراسىندا قىزۋ تالقىلاندى. الەۋمەتتىك جەلى قولدانۋشىلارىنىڭ ءبىر بولىگى ونى بيشىمباەۆتى اقتاۋعا تىرىسقان ماتەريال رەتىندە قابىلداسا، ەندى ءبىرى اتا-انانىڭ ءوز كوزقاراسىن ايتۋعا قۇقىعى بار ەكەنىن جازدى.
ءقازىر اتالعان سۇحبات ناتاليا گرەيستىڭ YouTube ارناسىندا قولجەتىمسىز بولىپ تۇر. بۇعان دەيىن تاراعان سىلتەمەلەر ارقىلى وتكەندە، ۆيدەونى كورۋ مۇمكىن ەمەس نەمەسە ونىڭ قولجەتىمدىلىگى شەكتەلگەنى بايقالادى. ازىرگە سۇحباتتىڭ نە سەبەپتى جابىلعانى نەمەسە وشىرىلگەنى رەسمي تۇردە ايتىلعان جوق. دەگەنمەن ۆيدەونى تولىق نەمەسە ءۇزىندى تۇرىندە باسقا YouTube ارنالارى مەن الەۋمەتتىك جەلىلەردەن ءالى دە كەزدەستىرۋگە بولادى.