2026 جىلعى 17 شىلدەدە قىرعىزستاننىڭ استاناسى مەن ءبىرقاتار ايماقتارى ەنەرگيا جۇيەسىندەگى ءىرى اقاۋ سالدارىنان جارىقسىز قالدى. بيشكەكتەگى جارىقتىڭ ءوشۋى اۋىز سۋ بەرۋدى دە ۋاقىتشا توقتاتتى، دەپ حابارلايدى infohub.kz سايتى.
قىرعىز رەسپۋبليكاسى ەنەرگەتيكا مينيسترلىگىنىڭ مالىمەتىنشە، تەحنولوگيالىق بۇزىلىس 220 كۆ «قارا-بالتا — باستى» جانە «باستى — شۋ» جوعارى ءۆولتتى جەلىلەرىندە بولعان. سالدارىنان جۇكتەمەنى اجىراتۋ جۇيەسى اۆتوماتتى تۇردە ىسكە قوسىلدى.
اپات بيشكەكتىڭ باسىم بولىگىن، سونداي-اق شۋ، نارىن، تالاس جانە وش وبلىستارىن قامتىدى. ال ىستىقكول وبلىسى مەن وش قالاسى زارداپ شەككەن جوق.
استانا اكىمدىگىنىڭ تۇسىندىرۋىنشە، ەلەكتر قۋاتىنىڭ بولماۋى سۋ الۋ قوندىرعىلارىن ۋاقىتشا توقتاتقان. سورعى ستانسيالارى جارىق قالپىنا كەلتىرىلگەن سايىن قولمەن ىسكە قوسىلادى.
كەشكە قاراي قىرعىزستان ۇلتتىق ەلەكتر جەلىسى (نەسك) ماماندارى ەلەكترمەن جابدىقتاۋدى كەزەڭ-كەزەڭىمەن قالپىنا كەلتىرۋگە كىرىستى. كەيبىر اۋدانداردا قايتالاما وشۋلەر بولعانىمەن، جاعداي بىرتىندەپ قالىپقا كەلۋدە. ەلەكتر بەرۋ جەلىلەرىندەگى اپاتتىڭ ناقتى سەبەپتەرى انىقتالۋدا.