قىرعىزستان استاناسىندا «مادينا» بازارىندا ءىرى ءورت بولدى. جالىن شامامەن 400 شارشى مەتر اۋماقتى شالدى، دەپ حابارلايدى infohub.kz سايتى.
قىرعىز باسىلىمى 24.kgء-دىڭ مالىمەتىنشە، ءورتتى سوندىرۋگە قالاداعى بارلىق ءورت ءسوندىرۋ ماشينالارى جۇمىلدىرىلعان. قىرعىزستاننىڭ تجم وكىلدەرى وقيعا ورنىندا ون ءورت ءسوندىرۋ ەسەبى جۇمىس ىستەپ جاتقانىن ناقتىلادى. احۋالدى باعالاۋ جانە ءىس-قيمىلدى ۇيلەستىرۋ ءۇشىن درون دا قولدانىلدى. سونىمەن قاتار، بازارعا «تازالىق» مۋنيسيپالدىق كاسىپورنىنىڭ ءۇش سۋ تاسيتىن ماشيناسى مەن ءۇش جەدەل جاردەم بريگاداسى جىبەرىلدى.
ءورت 30 تامىزدا تاڭەرتەڭ كونتەينەرلەردىڭ بىرىندە باستالىپ، كەيىن ساۋدا پاۆيلوندارىنا اۋىسقان. بىشكەك قالالىق ىشكى ىستەر باسقارماسىنىڭ الدىن الا بولجامى بويىنشا، ءورتتىڭ سەبەبى ەلەكتر سىمدارىنىڭ تۇيىقتالۋى بولۋى مۇمكىن.
پوليسيانىڭ مالىمەتىنشە، زارداپ شەككەندەر جوق. ءورت كەزىندە بازار جۇمىس ىستەمەگەن: ول ءۇش كۇنگە جابىلىپ، ساتۋشىلار ءماجبۇرلى دەمالىسقا جىبەرىلگەن.
ءورت وقشاۋلاندى. قۇتقارۋشىلار قالعان جانۋ وشاقتارىنا جەتۋ ءۇشىن جابىق كونتەينەرلەردى اشۋدى جالعاستىرۋدا.