ءبىز ءقاۋىپسىز الەم ءۇشىن

تاربيە ساعاتىنىڭ تاقىرىبى: «ءبىز ءقاۋىپسىز الەم ءۇشىن»
ماقساتى:
بىلىمدىلىك: توتەنشە جاعدايلاردا ءىس - قيمىلدارىن ۇيىمداستىرۋداعى ءبىلىمدى ۇگىت - ناسيحاتتاۋدى كۇشەيتۋ ماقساتىندا – بولۋى ىقتيمال اپات وقيعالارىندا وزدەرىنە، توڭىرەكتەگىلەرگە جاردەم كورسەتۋگە ۇيرەتۋدىڭ قاراپايىم جولدارىن مەڭگەرتۋ؛
تاربيەلىك: ورتتەن، جەر سىلكىنىسى، زارداپ شەگۋشىلەرگە قامقورلىق جاساپ، ادەپتى بولۋ، جەدەل جاردەم كەلگەنگە دەيىن زارداپ شەگۋشىلەرگە العاشقى كومەك كورسەتۋ؛
دامىتۋشىلىق: توپپەن جۇمىستانۋعا داعدىلارىن دامىتۋ.
ساباقتىڭ ءتيپى: توپپەن جۇمىس.
ساباقتىڭ ءادىسى: بايانداۋ، سۇراق جاۋاپ، كورنەكىلىك، ساحنالىق كورىنىس.
قۇرال - جابدىقتار: ACTIVBORD ينتەراكتيۆتى تاقتاسى، ءورت ءسوندىرۋ قۇرالدارى.

ساباقتىڭ بارىسى:
I. ۇيىمداستىرۋ (امانداسۋ)
II. ساباقتىڭ تاقىرىبىن، ماقساتىن ايتىپ كەتۋ.
III. ورتتەردىڭ پايدا بولۋ سەبەپتەرى، قاۋىپسىزدىك شارالارى تۋرالى تۇسىنىك بەرۋ؛ (سلايدپەن جۇمىس، ۆيدەو - روليك كورسەتۋ).

ءىY. توپپەن جۇمىس (سىنىپ وقۋشىلارى ەكى توپقا بولىنەدى)
1 - جۇرگىزۋشى:
نۇرسۇلتان ءابىش ۇلى نازاربايەۆ كەيىنگى جىلدارى بولعان وقيعالار تابيعي ءزىلزالالار مەن تەحنوگەندى اپاتتاردىڭ الدىن الۋ مەن زالال زارداپتارىن ەڭسەرۋدە جان - جاقتى كومەكتەسۋ مەن كەلىسىلگەن ءىس - ارەكەتتەردى جۇزەگە اسىرۋدىڭ قاجەتتىلىگىن پاش ەتتى.
2 - جۇرگىزۋشى:
وسى سالادا تۇراقتا سەنىم جۇيەسىن قالىپتاستىرۋ ءۇشىن شۇعىل اقپاراتتار الماسۋدى جولعا قويۋ ايرىقشا ماڭىزدى. كەيدە قاجەتتى مالىمەتتەردىڭ بولماي جاتاتىنى جۇزدەگەن مىڭ ادامدار ءۇشىن قايعى – قاسىرەتكە ۇلاساتىنىن زەردەلەۋ اۋىر – دەدى ەلباسى.
1 - جۇرگىزۋشى:
قازاقستان رەسپۋبليكاسىنىڭ مينيسترلەر كابينەتىنىڭ «توتەنشە جاعدايلاردى ەسكەرتۋ جانە ءىس - ارەكەتتەر بويىنشا حالىق پەن مامانداردى وقىتۋ جۇيەسىن قۇرۋ جونىندەگى شارالار تۋرالى» 1993 ج 30 قىركۇيەك № 969 قاۋلىسىندا سەيسمو ءقاۋىپتى ايماقتا ورنالاسقان بارلىق نىسانداردا توقسان سايىن سەيسمو جاتتىعۋ وتكىزۋ بەلگىلەنگەن.
2 - جۇرگىزۋشى:
وسى ماقساتتا ءبىزدىڭ ۇسىنىپ وتىرعان ساباعىمىزدىڭ تاقىرىبى «ءبىز ءقاۋىپسىز الەم ءۇشىن» دەپ اتالادى.
«ءورت قاۋىپسىزدىگى» اتتى ۆيدەو - روليك تاماشالانادى.

1 - كەزەڭ: سۇراق - جاۋاپ: (ەكى توپقا سۇراقتار بەرىلەدى).
1 - توپقا.
1. 2003 جىلى 14000 شاماسىندا وندىرىستىك جانە تۇرمىستىق ءورت بولدى. ودان 1000 – داي ادام زارداپ شەگىپ، 560 - ى قازا بولدى. تۇرعىن ءۇي سەكتورىنداعى ءورتتتىڭ نەگىزگى سەبەپتەرى: ەلەكتر وتكىزگىشتىڭ تۇيىقتالۋى، قاراۋسىز قالعان قىزدىرعىش پريبورلارى، جىلىتۋ پەشتەرىنىڭ پريبورلارى، جىلىتۋ پەشتەرىنىڭ اقاۋلىعى، بالالاردىڭ وتپەن ويناۋى... وسى اتالعان جاعدايلاردى بولدىرماۋدىڭ جولدارى. (ونى بولدىرماۋدىڭ جولدارى قانداي؟ ).
2. ق ر ەڭ العاش توتەنشە جاعدايلار ءمينيسترى كىم بولعان؟ (زامانبەك ءنۇرقادىلوۆ)
2 - توپقا.
1. وتكەن جىلعى مالىمەتتەر بويىنشا اۆتوجول ۇستىندە 10500 - دەي كولىك اپاتى مەن جول وقيعاسى تىركەلدى، بۇدان 14000 – داي ادام زارداپ شەكتى. ونىڭ ىشىندە 1900 ادام قازا بولعان. اۆتوجولدارداعى اپاتتىلىقتىڭ جوعارعى دارەجەسىنىڭ نەگىزگى سەبەپتەرى – كولىك قۇرالدارىنىڭ تەحنيكالىق كۇيىنىڭ ناشارلاۋى، جۇرگىزۋشىلەردىڭ دايىندىعى مەن ءتارتىبىنىڭ تومەندەۋى.(وقۋشىلار جاۋاپتارىن بەرەدى).
2. تابيعي جانە تەحنوگەندىك اپاتتارعا نەلەر جاتادى؟ (جەر سىلكىنىسى، بوران، سەل، قاتتى داۋىل، بۇرقاسىن ------ جول - كولىك وقيعالارى، ەلەكتر باعاندارى، گاز باللونى جارىلۋى)

ءىى كەزەڭ: باقىتسىزدىق جاعدايى اياق استىنان بەلەڭ الۋى مۇمكىن سوندىقتان دا قانداي جاعداي بولماسىن العاشقى كومەك كورسەتۋگە ءاربىر ازامات دايىن بولۋى ءتيىس.
وسى ورايدا وقۋشىلاردىڭ وزدەرىنىڭ توبىنا بايلانىستى توتەنشە جاعدايعا ۇشىراعان كەزدە كورسەتەتىن كومەكتەرىنە كەزەك بەرەمىز: (كورىنىس)
1 - توپ. «العاشقى ءورت سوندىرۋشىلىك كومەك».

2 - توپ. « ءورت كەزىندە كۇيگەن ادامعا العاشقى كومەك كورسەتۋ»
(كورىنىس تۇرىندە كورسەتىپ، جاۋاپتارىن ءتۇسىندىرىپ ايتۋ).

ءىII. تەست جۇمىسى. (دۇرىس جاۋاپتارىن بەلگىلەيدى)

1. بۇكىلالەمدىك « ازاماتتىق قورعاۋ كۇنى»
ا) 1. 01.
ۆ) 1. 02.
س) 1. 03.
2. ەگەر ۇيىڭدە ءورت بولىپ قالسا قاي نومەردى تەرەسىڭ؟
ا) 102؛
ۆ) 103؛
س) 101.
3. «02» نومەرىن تەرگەندە كىمگە تەلەفون شالىپ جاتىرسىڭ؟
ا) دارىگەر؛
ۆ) ميليسيا؛
س) گاز.
4. ەگەر ءيىسىن سەزسەڭىز قاي نومەردى تەرەسىز؟
ا) 104؛
ۆ) 102
س) 103.
5. ەگەر جاقىن ادام نەمەسە ءوزىڭ كۇردەلى جاراقات الساڭ قاي نومەرگە حابارلاساسىز؟
ا) 101
ۆ) 103؛
س) 102.
ءىۇ. سيتۋاسيالىق جاعدايدان شىعۋ:
اپات ايتىپ كەلمەيدى. تابيعاتتىڭ توسىن قۇبىلىسىن بولجاي وتىرىپ الدىن الۋ شارالارىن جۇرگىزەمىز. وعان ءسىزدىڭ دە دايىن بولۋىڭىز شارت. تابيعات اپاتى كەزىندە ءوزىڭدى دە، وزگەنى دە قۇتقار دەگىم كەلەدى، - دەي وتىرىپ سيتۋاسيالىق جاعدايدان شىعۋ جولدارىن قاراستىرايىق.

1 توپقا: 1. سەندەردىڭ ۇيلەرىڭ وزەن نەمەسە كول جاعاسىندا ورنالاسقان بولسا، وندا كوكتەمدە سۋ تاسقىنى بولدى دەلىك، سەندەردىڭ ءىس - ارەكەتتەرىڭ؟
2. تاۋعا ساياحاتقا شىققاندا شاتىر، شەلەك، بالتا، ىدىس، تاماق، جىلى كيىم الىپ شىقتىڭ. سۇراق: نەنى تاستاپ كەتتىم دەپ ويلايسىڭ؟
2 توپقا: 1. كەشكى جاڭالىقتاردان تاڭعى ساعات 4. 00 دە جەر سىلكىنىسى 6 باللعا بولاتىنىن حابارلادى. ۇيىڭدە وزىڭنەن ەرەسەك ەشكىم جوق، 4 كىشكەنتاي باۋىرىڭ بار، سەندەردىڭ ءىس - ارەكەتتەرىڭ؟
2. عيماراتتىڭ ىشىندە وتىرعانىڭدا جەر سىلكىنىسىن بايقادىڭ، سەندەردىڭ ءىس - ارەكەتتەرىڭ؟
قورىتىندىلاۋ