الماتىلىق بلوگەر سانات اۋەلتاي الكوتەستەر ارقىلى قىمىز ىشكەن سوڭ كولىك جۇرگىزۋگە بولا ما، جوق پا — سونى انىقتاۋدى ۇيعاردى. تاجىريبە ءۇشىن ول باشقۇرت قىمىزىنىڭ كۇشتىرەك تۇرلەرىنىڭ ءبىرىن تاڭدادى، دەپ حابارلايدى infohub.kz سايتى.
1 ليتر اشىتىلعان ءسۇت سۋسىنىن ىشكەن سوڭ بلوگەر الكوتەستەرگە ۇرلەي باستادى جانە بىرنەشە ساعات سايىن ورگانيزمدەگى الكوگول دەڭگەيىن تەكسەرىپ وتىردى. ناتيجەلەر كۇتپەگەن جەردەن شىقتى.
قۇرىلعى مىناداي كورسەتكىشتەردى تىركەدى: 1 ساعاتتان كەيىن — 1،91 پروميللە؛ 1،5 ساعاتتان كەيىن — 1،84؛ 2 ساعاتتان كەيىن — 1،07؛ 3 ساعاتتان كەيىن — 0،48؛ 4 ساعاتتان كەيىن — 0،29؛ 5 ساعاتتان كەيىن — 0،13. تەك 7 ساعاتتان كەيىن عانا الكوتەستەر 0 پروميللە كورسەتتى.
«بۇل — مەنىڭ ورگانيزمىم. ءسىزدىڭ ورگانيزمىڭىزگە قىمىز باسقاشا اسەر ەتۋى مۇمكىن. جالپى، قانشا گرامم قىمىز ىشسەڭىز دە، كولىككە ەشقاشان وتىرماڭىز»، — دەپ كەڭەس بەردى بلوگەر.
كولىك جۇرگىزگەندە الكوگول ءۇشىن قانداي جازا قاراستىرىلعان
قازاقستاندا كولىك جۇرگىزۋشىلەرىنە الكوگولگە قاتىستى «نولدىك توزىمدىلىك» قاعيداتى قولدانىلادى: جۇرگىزۋشىنىڭ ورگانيزمىندە ءسپيرتتىڭ بولۋى جازالاۋعا نەگىز بولا الادى. سوندىقتان بۇل قىمىز با، الكوگول نەمەسە دارى-دارمەك پە — ماڭىزى جوق.
ماس كۇيدە كولىك جۇرگىزگەنى ءۇشىن 15 تاۋلىك قاماۋ جانە 7 جىلعا جۇرگىزۋشى كۋالىگىنەن ايىرۋ قاراستىرىلعان. ەگەر بۇزۋشىلىق جول-كولىك وقيعاسىنا اكەپ سوقسا، قاماۋ مەرزىمى 20 تاۋلىككە ۇلعايادى.
بۇعان دەيىن كۋرسيۆ اۆتو سوڭعى ءۇش جىلدا الماتى پسيحيكالىق دەنساۋلىق ورتالىعىندا ماس بولۋ سەبەبى قىمىز نەمەسە شۇبات بولعان جاعدايلار تىركەلمەگەنىن جازعان. بۇعان سۋسىننىڭ ساپاسى مەن دايىندالۋ ءتاسىلى اسەر ەتۋى مۇمكىن. ناركولوگ دارىگەردىڭ ايتۋىنشا، ماس بولۋعا كۇدىك تۋىنداعاندا قاندى ەتانولعا زەرتحانالىق تەكسەرۋدەن كەيىن عانا تۇپكىلىكتى قورىتىندى جاسالادى.