استانادا بلوگەر ەربولات جانابىلوۆ جۇبايى ەلميرا تولەگەنوۆامەن بولعان تۇرمىستىق جانجالدان كەيىن اكىمشىلىك جاۋاپكەرشىلىككە تارتىلدى. بۇل تۋرالى استانا قالالىق پوليسيا دەپارتامەنتىنىڭ ءباسپاسوز قىزمەتى حابارلادى، دەپ جازادى infohub.kz سايتى.
ۆەدومستۆونىڭ ناقتىلاۋىنشا، اعىمداعى جىلدىڭ 30 قىركۇيەگىندە پوليسيا قىزمەتكەرلەرى الەۋمەتتىك جەلىلەردى مونيتورينگتەۋ بارىسىندا Threads الەۋمەتتىك جەلىسىندە بلوگەر ە.ت.-نىڭ جۇبايى ە.ج.-مەن بولعان جانجال فاكتىسى تۋرالى بەينەجازباسى بار جاريالانىمدى انىقتاعان.
پوليسيادا اتاپ وتكەندەي، بەينەجازبادا ايەل بولعان جانجالدىڭ ءمان-جايىن ايتىپ، قولدارىنداعى قىزارۋدى كورسەتكەن.
«وسى فاكتى بويىنشا وقيعا ورنىنا پوليسيا قىزمەتكەرلەرى باردى. تەكسەرۋ بارىسىندا جۇبايلار اراسىندا تۇرمىستىق جانجال بولعانى انىقتالدى. بۇل رەتتە ە.ت. پوليسياعا ارىز بەرۋدەن باس تارتتى. سونىمەن قاتار ج.ە.-گە قاتىستى وتباسىلىق-تۇرمىستىق قاتىناستار سالاسىنداعى قۇقىققا قارسى ارەكەتتەرى ءۇشىن اكىمشىلىك ماتەريال جاسالدى. ەر ادام اكىمشىلىك جاۋاپكەرشىلىككە تارتىلىپ، ۋاقىتشا ۇستاۋ بولمەسىنە قامالدى»، — دەدى قۇقىق قورعاۋ ورگاندارى.
ءىس ماتەريالدارى شەشىم قابىلداۋ ءۇشىن سوتقا جولداندى.
پوليسيا سونداي-اق اعىمداعى جىلدىڭ 28 تامىزىندا ەر ادام پروباسيالىق باقىلاۋ تالاپتارىن بۇزعانىن — تۇنگى ساعات 22:00-دەن كەيىن ءوزى كورسەتكەن تۇرعىلىقتى جەرىندە بولماعانىن، بۇزۋ فاكتىسى بويىنشا ماتەريالدار سوتقا جىبەرىلگەنىن اتاپ ءوتتى.
ەسكە سالايىق، بلوگەر ەلميرا تولەگەنوۆا الەۋمەتتىك جەلىلەردەگى ۇندەۋىندە ەربولات جانابىلوۆپەن اجىراسىپ جاتقانىن ايتقان. سونداي-اق ول جۇبايىمەن بولعان جۋىرداعى جانجالعا قاتىستى پىكىر بىلدىرگەن.
سونىمەن قاتار، 27 ساۋىردە بلوگەرلەرگە قاتىستى ۇكىم شىعارىلعانىن ەسكە سالامىز. سۋديا پروكۋرور ۇسىنعان مەرزىمدەرمەن كەلىستى — بلوگەرلەر زاڭسىز كاسىپكەرلىك جانە قىلمىستىق جولمەن الىنعان اقشانى جانە (نەمەسە) وزگە م ۇلىكتى زاڭداستىرۋ (جىلىستاتۋ) بويىنشا كىنالى دەپ تانىلدى.
سوت سونداي-اق جانابىلوۆ پەن تولەگەنوۆا قىلمىستىق قاراجاتقا ساتىپ العان iPhone 16 (17 دانا) جانە Hyundai Elantra (8 دانا) اۆتوكولىگىن تاركىلەۋگە ۇكىم شىعاردى.