Bloomberg باسىلىمى دەرەككوزدەرگە سىلتەمە جاساپ، ۇلىبريتانيا پرەمەر-مينيسترى ەندي بەرنەمنىڭ اقش-تىڭ يرانعا سوققى بەرۋى ءۇشىن بريتان اسكەري بازالارىن پايدالانۋدى ماقۇلداعانىن حابارلادى. بۇل تۋرالى NUR.KZ ربك-عا سىلتەمە جاساپ حابارلايدى، دەپ مالىمدەيدى infohub.kz.
شەشىم بۇرىنعى پرەمەر-مينيستر كير ستارمەر وتكىزگەن كەڭەستەن كەيىن قابىلدانعان.
كەڭەستە مينيسترلەر اقش-قا ءۇندى مۇحيتىنداعى ديەگو-گارسيا بازاسى مەن انگلياداعى فەيرفورد (RAF Fairford) اۋە بازاسىن يراننىڭ زىمىران قاۋپىنە جانە ورمۋز بۇعازىنداعى كەمە جۇزۋىنە تونەتىن قاۋىپ-قاتەرگە قارسى وپەراسيالار ءۇشىن پايدالانۋعا مۇمكىندىك بەرەتىن قولدانىستاعى ساياساتتى ساقتاپ قالۋعا كەلىستى.
ال وسى اپتادا قىزمەتىنە كىرىسكەن بەرنەم تالقىلاۋ قورىتىندىلارىمەن تانىسىپ، قابىلدانعان شەشىمدى قولدادى.
باسىلىم لوندون بۇل بازالاردى قورعانىس بازالارى دەپ سانايتىنىن اتاپ ءوتتى.
ءقازىر بريتان بازالارى اقش-تىڭ يرانعا قارسى اسكەري وپەراسياسىنىڭ اعىمداعى كەزەڭىندە پايدالانىلۋى مۇمكىن دەپ بولجانۋدا.
ايتا كەتەيىك، جاقىندا لەيبوريستەر پارتياسىنىڭ جاڭا كوشباسشىسى ەندي بەرنەم ۇلىبريتانيا پرەمەر-مينيسترى بولىپ رەسمي تۇردە تاعايىندالدى. ول كورول كارل III-مەن كەزدەستى.