سيدنەيدەگى اۋرۋحانادا بەس كۇن بۇرىن Blue Mountains-تە اناسى پىشاقتاعان ءۇش بالانىڭ ءبىرى — ءبىر جاسار نارەستە — قايتىس بولدى. بۇل تۋرالى پوليسيا حابارلادى، دەپ جازادى infohub.kz سايتى.
جەكسەنبى كۇنى تۇستەن كەيىن سيدنەيدىڭ باتىسىنداعى Blue Mountains وڭىرىندەگى Valley Heights-تە كۋاگەرلەر كولىك ىشىنەن ءۇش بالا مەن 42 جاستاعى ايەلدى پىشاق جاراقاتتارىمەن تاۋىپ، وقيعا ورنىنا ءبىرىنشى بولىپ جەتتى.
پوليسيانىڭ مالىمدەۋىنشە، بەس جاسار بالا وقيعا ورنىندا قايتىس بولدى. كۋاگەرلەر جەدەل جاردەم كەلگەنشە العاشقى كومەك كورسەتۋگە ۇمتىلدى.
ءۇش جاسار جانە ءبىر جاسار بالالار اۋىر جاراقاتتارمەن اۋرۋحاناعا جەتكىزىلدى.
بەيسەنبى كۇنى كەشكە جاڭا وڭتۇستىك ۋەلس پوليسياسى نارەستەنىڭ اۋرۋحانادا قايتىس بولعانىن، ال ءۇش جاسار بالانىڭ جاعدايى ءالى دە اۋىر ەكەنىن حابارلادى.
ايىپتالعان شابۋىلدان كەيىن Westmead اۋرۋحاناسىنا جەتكىزىلگەن ايەلگە ءبىر جاسار بالانىڭ ءولىمى بويىنشا قوسىمشا كىسى ءولتىرۋ ايىبى تاعىلادى.
سەيسەنبى كۇنى ول وتباسىلىق زورلىق-زومبىلىق اياسىندا كىسى ءولتىرۋ جانە قاساقانا كىسى ولتىرۋگە ارەكەتتەنۋ ارقىلى اۋىر دەنە جاراقاتىن سالۋدىڭ ەكى ەپيزودى بويىنشا ايىپتالعان بولاتىن.
ايەلگە قاماۋعا الۋ تۇرىندەگى بۇلتارتپاۋ شاراسى قولدانىلىپ، ول 20 قاراشادا پەنريت جەرگىلىكتى سوتىنا كەلەسى سوت وتىرىسىنا دەيىن قاماۋدا ۇستالادى.
Blue Mountains پوليسيا ايماقتىق باسقارماسىنىڭ قىزمەتكەرلەرى اتالعان وتباسىلىق زورلىق-زومبىلىق فاكتىسىن «كارەلو» ارنايى تەرگەۋ توبى اياسىندا تەرگەپ جاتىر.
پوليسيا وسى اپتانىڭ باسىندا ايەلدىڭ بۇعان دەيىن پوليسيانىڭ نازارىنا ىلىكپەگەنىن جانە تەرگەۋشىلەر جەكسەنبىدەگى وقيعاعا قاتىستى باسقا ەشكىمدى ىزدەمەيتىنىن مالىمدەدى.
ايەل ءۇش بالانى شتات بويىنشا قورقىنىشتى دەمالىس كۇندەرىنىڭ سوڭىندا پىشاقتاعان. سەنبى كۇنى 12 ساعات ىشىندە ءۇش ايەل ءوز ۇيلەرىندە ولتىرىلگەن.