جاپونيادا ءوتىپ جاتقان 2026 جىلعى XX جازعى ازيا ويىندارىندا قازاقستاندىق بوكسشى ناتاليا بوگدانوۆا ۇلتتىق قۇرامانىڭ قورجىنىنا تاعى ءبىر جۇلدە سالدى، دەپ حابارلايدى infohub.kz سايتى.
الەمنىڭ قازىرگى چەمپيونى 75 كيلوعا دەيىنگى سالماق دارەجەسىندە ونەر كورسەتىپ، ءتۋرنيردى تىكەلەي شيرەك فينالدان باستادى. بۇل كەزەڭدە ونىڭ قارسىلاسى وزبەكستان نامىسىن قورعايتىن ازيزا زوكيروۆا بولدى — الەم جانە ازيا چەمپيوناتتارىنىڭ جۇلدەگەرى.
ءبىرىنشى راۋندتا بارلىق تورەشىلەردىڭ كارتوچكاسىندا قارسىلاس باسىم ءتۇستى. الايدا سودان كەيىن بوگدانوۆا باستامانى ءوز قولىنا الىپ، تورەشىلەردىڭ بولىنگەن شەشىمىمەن 4:1 ەسەبىمەن جەڭىسكە جەتتى.
وسىلايشا قازاقستاندىق سپورتشى جارتىلاي فينالعا شىعىپ، كەمىندە قولا مەدالدى قامتاماسىز ەتتى. شەشۋشى جەكپە-جەككە شىعۋ ءۇشىن ول ءۇندىستاننىڭ وكىلى لوۆلينا بورگوحاينمەن كەزدەسەدى.
ناتاليا بوگدانوۆا — 70 كيلوعا دەيىنگى سالماق دارەجەسىندەگى الەمنىڭ قازىرگى چەمپيونى. حالىقارالىق World Boxing فەدەراسياسى ونى 2025 جىلدىڭ ۇزدىك قىز-بوكسشىسى دەپ تانىدى.
2022 جىلى حانچجوۋدا وتكەن وتكەن ازيادادا قازاقستاندىق سپورتشى پەدەستالعا كوتەرىلگەن بولاتىن: ول كەزدە 66 كيلوعا دەيىنگى سالماقتا قولا جۇلدەگە قول جەتكىزگەن.