ماڭعىستاۋ وبلىسىندا وتباسىلىق داستارقاننان كەيىن بوتۋليزم بەلگىلەرىمەن ءۇش ەرەسەك ادام مەن ءبىر بالا جانساقتاۋ بولىمىنە جات قىزىلدى، دەپ حابارلايدى infohub.kz سايتى.
وبلىستىق دەنساۋلىق ساقتاۋ باسقارماسىنىڭ باس شتاتتان تىس ەپيدەميولوگى مارال قادىردىڭ ايتۋىنشا، مۇنايلى اۋدانىنىڭ ءۇش ەرەسەك تۇرعىنى وبلىستىق كوپبەيىندى اۋرۋحاناعا جەتكىزىلگەن. تاعى ءبىر ناۋقاس — 9 جاس 10 ايداعى بالا — كەشكە وبلىستىق بالالار كوپبەيىندى اۋرۋحاناسىنىڭ ينفەكسيالىق بولىمىنە تۇسكەن.
الدىن الا كۇدىكتى ءونىم رەتىندە ءۇي جاعدايىندا دايىندالعان سۋىق ىستالعان بالىق سانالادى. ەپيدەميولوگتىڭ دەرەگىنشە، بالىق ۇزاق ۋاقىت توڭازىتقىشتا ساقتالعان. بارلىق زارداپ شەككەندەر ونى 17 قىركۇيەكتە شامامەن 20:00-دەن 21:00-گە دەيىن وتباسىلىق ءىس-شارا بارىسىندا تۇتىنعان.
اۋرۋدىڭ العاشقى بەلگىلەرى 18 قىركۇيەكتە كەشكە پايدا بولعان. ناۋقاستار 19 قىركۇيەكتە مەديسينالىق كومەككە جۇگىنگەن.
«زارداپ شەككەندەردىڭ ۇيىندە بىرنەشە رەت جۇرەك اينۋ مەن قۇسۋ بايقالعان. اۋرۋحاناعا جات قىزىلعاننان كەيىن ناۋقاستاردىڭ جاعدايى اۋىر دەپ باعالاندى. نەگىزگى سيمپتومداردىڭ قاتارىندا — السىزدىك، باس اينالۋ، جۇتۋ مەن كورۋدىڭ بۇزىلۋى، تاماقتىڭ قىشۋى مەن قۇرعاۋى، كوزدىڭ ب ۇلىڭعىرلانۋى مەن قوسارلانىپ كورىنۋى، سونداي-اق سانانىڭ بۇزىلۋى»، — دەدى مارال قادىر.
بارلىق ناۋقاستار اۋىر جاعدايدا جاتىر جانە وكپەنى جاساندى جەلدەتۋ اپپاراتتارىنا قوسىلعان. ولارعا دەزينتوكسيكاسيالىق جانە سيمپتوماتيكالىق ەم جۇرگىزىلۋدە. سونداي-اق ناۋقاستارعا سپەسيفيكالىق قارسى بوتۋليندىك سارىسۋ ەگىلدى.