«مەمفيس گريززليس» شابۋىلشىسى برەندون كلارك مامىر ايىندا گەروين مەن كوكايننەن قايتىس بولعانىن بيلىك جۇما كۇنى حابارلادى. بۇل تۋرالى infohub.kz سايتى حابارلايدى.
لوس-اندجەلەس وكرۋگىنىڭ مەديسينالىق ساراپتاما دەپارتامەنتى 29 جاستاعى باسكەتبولشىنىڭ ءولىمىن كەزدەيسوق دەپ تانىدى. كلارك 11 مامىردا لوس-اندجەلەس ماڭىنداعى ۇيدەن ءولى كۇيىندە تابىلدى. تەرگەۋ ماتەريالدارىمەن تانىس ءانونيمدى دەرەككوزدىڭ ايتۋىنشا، ۇيدەن ەسىرتكى قۇرالدارى تابىلعان.
كلارك «گريززليسپەن» 2026-27 ماۋسىمىنا دەيىن كەلىسىمشارتتا بولعان. قايتىس بولۋىنان شامامەن التى اپتا بۇرىن ول اركانزاس شتاتىندا جىلدامدىقتى اسىرۋ، ءقاۋىپتى جۇرگىزۋ جانە ەسىرتكى زاتتارىن ساقتاۋ باپتارى بويىنشا تۇتقىندالعان ەدى. ول گونزاگا ۋنيۆەرسيتەتىندەگى وقۋىن اياقتاعان سوڭ، كاسىبي مانسابىنداعى جەتى ماۋسىمدى دا «مەمفيستە» وتكىزدى.