برازيليانىڭ كۋيابا قالاسىندا كاپيبارالار توبى ماتۋ-گروسۋ شتاتىنىڭ زاڭ شىعارۋشى جينالىسى عيماراتىنا كىرىپ، دەپۋتاتتاردىڭ رەسمي داۋىس بەرۋى باستالار الدىندا قىزمەتكەرلەر اراسىندا دۇربەلەڭ تۋدىردى، دەپ حابارلايدى infohub.kz.
ادەتتەن تىس قوناقتار حولل بويىمەن سابىرمەن ءجۇرىپ، اپپارات قىزمەتكەرلەرى ولاردى سىرتقا شىعارۋعا تىرىستى. قىزمەتكەر نايارا بۋەنو بولعان وقيعانى بەينەگە ءتۇسىرىپ الدى، وندا جانۋارلاردىڭ كىرەبەرىستە قوزعالىپ، اينالاداعى ابىگەرگە ءمان بەرمەي جۇرگەنى كورىنەدى.
بۋەنونىڭ ايتۋىنشا، كاپيبارالار عيماراتقا ءجيى كەلەدى، سوندىقتان پەرسونال ولاردىڭ تۇراقتى كەلۋىنە ۇيرەنىپ قالعان. بيلىك وكىلدەرى كەمىرگىشتەردىڭ م ۇلىككە ەشقانداي زيان كەلتىرمەگەنىن راستادى. پارلامەنت كەشەنى كوپتەگەن جابايى جانۋارلار مەكەندەيتىن ساياباقپەن شەكتەسەدى، بۇل كاپيبارالارعا ىرگەلەس اۋماققا وڭاي كىرۋگە مۇمكىندىك بەرەدى.
كاپيبارالار — پلانەتاداعى ەڭ ءىرى كەمىرگىشتەر. سالماعى 80 كەلىگە دەيىن جەتەتىن بۇل جارتىلاي سۋدا تىرشىلىك ەتەتىن سۇتقورەكتىلەر توپتاسىپ تىرشىلىك ەتەدى جانە سابىرلى مىنەزىمەن ەرەكشەلەنەدى، سوندىقتان الەۋمەتتىك جەلىلەردە وتە تانىمال بولدى.