برازيليادا 7 جاڭا "ميني-باقالار" انىقتالدى
جارقىن تۇستەرگە بويالعان قوسمەكەندىلەردى عالىمدار برازيليالىق اتلانت ورماندارىندا تاپتى.
جاڭا تابىلعان قوسمەكەندىلەر Brachycephalus تۇرىنە جاتادى. بۇل ءتۇردىڭ وكىلدەرى كىشكەنتاي پىشىمدەرىمەن جانە جارقىن بوياۋلارىمەن سيپاتتالادى. برازيليادا انىقتالعان باقالار ءوز ءتۇرىنىڭ ەڭ ۇساقتارى بولىپ كەلەدى – ولاردىڭ كەيبىرىنىڭ ۇزىندىقتارى سانتيمەتردەن دە اسپايدى.
ولاردى اۋلايتىندار ءۇشىن ەسكەرتۋ: Brachycephalusء-تىڭ جارقىن ءتۇسى باقانىڭ تەرىسى شابۋىلداۋشىعا ءقاۋىپتى توكسينگە يە ەكەنىن بىلدىرەتىن الدىن الا ەسكەرتۋ سيگنالى بولىپ تابىلادى.
Brachycephalus جايلى العاشقى جازبالار 1824 جىلى عىلىمي جۇمىستاردا پايدا بولعان، الايدا بۇل ءتۇردىڭ كوپتەگەن وكىلدەرى سوڭعى 15 جىلدا تابىلعان. بۇل، ولاردىڭ قول جەتپەس ايماقتاردا مەكەندەيتىنىمەن بايلانىستى. «قاجەتتى ورىنعا جەتۋ ءۇشىن، ءبىر باعىتقا عانا ءبىز ەكىدەن سەگىز ساعاتقا دەيىن جۇرەتىنبىز»، — دەيدى زەرتتەۋشىلەردىڭ ءبىرى مارسيو پە.
وسىلايشا، ەندى بيولوگتارعا Brachycephalus ءتۇرىنىڭ 28 وكىلى تانىس. پە جاقىن جىلدارى بۇل ءتىزىم بىرنەشە ەسەگە وسەتىنىنە سەنىمدى.
You Might Also Like
-
قۇرما — تىك شانشىلىپ، 24 مەتر بيىكتىككە دەيىن وسەتىن قۇرما پالماسى. قۇرما ىستىق كليماتتى ايماقتاردا وسىرىلەدى. قۇرما ءوسىرۋ شارۋاشىلىعىمەن اينالىساتىن ەلدەرگە: ساۋد ارابياسى، يراك، الجي...
