ۇلىبريتانيا تۇرعىنى پەتتي ەللەن شۇعىل كەسار تىلىگى كەزىندە كلينيكالىق ءولىمدى باستان كەشىرگەن. ونىڭ ايتۋىنشا، سول كەزدە ول و دۇنيەنى كورگەن، دەپ حابارلايدى infohub.kz سايتى.
ەللەننىڭ ايتۋىنشا، ومىرلىك فۋنكسيالار توقتاعان سوڭ، ول باسقا ءبىر ولشەمگە تۇسكەندەي بولعان. وندا ونىڭ الدىندا 360 گرادۋستىق پانورامالىق ەكران پايدا بولىپ، ومىرىندەگى ەڭ ماڭىزدى ساتتەر بىرىنەن سوڭ ءبىرى كورسەتىلگەن.
ايەلدىڭ سوزىنشە، ەكراندا ەڭ ۇزاق ۋاقىت بويى اۋىر جانە قاسىرەتتى ەستەلىكتەر ساقتالعان. بۇل وعان توزاققا ءتۇسىپ، ماڭگىگە سوندا قالۋعا ءماجبۇر بولاتىنداي سەزىم سىيلاعان.
بريتاندىقتىڭ ايتۋىنشا، بۇل ەرەكشە كۇي جاڭا تۋعان نارەستەسىنىڭ العاشقى داۋىسىن ەستىگەندە توقتاعان. سول ساتتە ول ەسىنە كەلىپ، ومىرگە قايتا ورالعان.
دارىگەرلەردىڭ ايتۋىنشا، مۇنداي تاجىريبەلەر كلينيكالىق ءولىمدى باستان كەشىرگەن ادامداردا ءجيى كەزدەسەدى. الايدا عىلىمي قاۋىمدا بۇل سەزىمدەردىڭ و دۇنيەنىڭ بار ەكەندىگىنە دالەل بولاتىنى جونىندە ەشقانداي دەرەك جوق. زەرتتەۋشىلەردىڭ كوپشىلىگى مۇنى ميدىڭ وتتەگىنىڭ جەدەل جەتىسپەۋشىلىگى كەزىندەگى جۇمىس ىستەۋ ەرەكشەلىكتەرىمەن تۇسىندىرەدى.