Greenlink ەنەرگەتيكالىق جوباسى ۋەلستەگى فرەشۋوتەر-ۋەست جاعاجايىنداعى ەلف ءدوببيدىڭ بەيرەسمي ەسكەرتكىشىن بۇزباۋ ءۇشىن قۇبىر تارتۋ باعىتىن وزگەرتۋگە ءماجبۇر بولدى. بۇل تۋرالى infohub.kz سايتى حابارلايدى.
جوبانىڭ قۇنى 430 ميلليون ەۆروگا باعالانۋدا. ونىڭ اياسىندا ۇلىبريتانيادان يرلاندياعا كۇن جانە جەل ەنەرگياسىن تاسىمالداۋ ءۇشىن قۇبىر تارتۋ جوسپارلانعان ەدى. جۇمىستار فرەشۋوتەر-ۋەست جاعاجايىنا دا اسەر ەتۋى مۇمكىن ەدى، دەدى جوبانىڭ بۇرىنعى ديرەكتورى سايمون لادلام.
ساگا سيۋجەتى بويىنشا، ءدال وسى جەردە ەلف دوببي قازا تاپقان. «گارري پوتتەر» جانكۇيەرلەرى جاعاجايدا وسى كەيىپكەردىڭ قۇرمەتىنە بەيرەسمي ەسكەرتكىش جاساعان. جەرگىلىكتى بيلىك قۇبىر تارتۋعا رۇقسات بەرىپ، بۇل جاڭالىق باق-تا تاراعان كەزدە، ەنەرگەتيكتەرگە كىتاپ پەن فيلم جانكۇيەرلەرىنەن جۇزدەگەن اشۋلى قوڭىراۋ كەلە باستادى. ناتيجەسىندە كومپانيا قۇبىردى جاعاجايدى اينالىپ وتۋگە ءماجبۇر بولدى.
سونىمەن قاتار، قازاقستاننىڭ تۇركىستان جانە جەتىسۋ وبلىستارىندا ارحەولوگيالىق ەسكەرتكىشتەر زاقىمدانعان. ءبىرىنشى جاعدايدا ولار ماقتا ەگۋ سالدارىنان جوعالعان، ال جەتىسۋدا بىرەگەي پەتروگليفتەر گەس كاسكادىنىڭ قۇرىلىسىنا بايلانىستى ءقاۋىپ ايماعىندا قالعان.
بۇعان دەيىن الماتىلىقتار قالاداعى قورعاننىڭ بۇزىلۋىن قىزۋ تالقىلاعانى حابارلانعان.