ۇلىبريتانيانىڭ جاڭا پرەمەر-مينيسترى ەندي بەرنەم قىزمەتىنە رەسمي تۇردە كىرىسكەننەن كەيىن نەبارى ەكى اپتادان سوڭ دەمالىسقا شىعىپ، وپپوزيسيا تاراپىنان سىنعا ۇشىرادى، دەپ حابارلايدى infohub.kz سايتى.
The Telegraph-تىڭ مالىمەتىنشە، ۇكىمەت باسشىسى وتباسىمەن ۋاقىت وتكىزۋ ءۇشىن ءۇزىلىس جاساۋدى ءجون كورگەن. ونىڭ داۋنينگ-ستريت، 10 مەكەنجايىنداعى رەسمي رەزيدەنسياسىندا بۇل اقپاراتتى راستاعان، الايدا پرەمەردىڭ قانشا ۋاقىتقا جۇمىس ورنىندا بولمايتىنى جانە قايدا باراتىنى تۋرالى ناقتى مالىمەت بەرمەگەن.
بەرنەم پرەمەر-مينيستر بولىپ تەك 20 شىلدەدە تاعايىندالعان ەدى، ال ونىڭ وسىنشاما ەرتە دەمالىسقا شىعۋى «رەفورمالار» پارتياسى تاراپىنان قاتتى سىنعا ۇشىرادى. پارتيا ءتوراعاسى لي اندەرسون: «بەرنەمگە ءبارى تەز جالىقتى. ەكى اپتادان كەيىن ەندي بەرنەمنىڭ ءىشى پىستى. قارجىلاندىرىلماعان ءبىرقاتار مىندەتتەمەلەردەن باس تارتىپ، ەلىمىزگە 2000-نان استام زاڭسىز كوشىپ كەلۋشىنىڭ كىرۋىنە جول بەرىپ، ول شەتەلگە دەمالۋعا كەتتى. بۇل باسشىلىققا بايىپپەن قارايتىن پرەمەر-مينيستر ەمەس»، — دەدى.
پرەمەر كەڭسەسى ءوز كەزەگىندە ۇكىمەت ادەتتەگى رەجيمدە جۇمىسىن جالعاستىرىپ جاتقانىن، بەرنەمنىڭ شەنەۋنىكتەرمەن بايلانىستا ەكەنىن، كەزدەسۋلەر وتكىزىپ، كابينەت قىزمەتى تۋرالى ۇنەمى اقپارات الىپ وتىرعانىن اتاپ ءوتتى.
ەسكە سالايىق، شىلدە ايىندا لەيبوريستىك پارتيانىڭ جەتەكشىسى ەندي بەرنەم ۇلىبريتانيانىڭ پرەمەر-مينيسترى بولىپ رەسمي تۇردە تاعايىندالىپ، بۇل قىزمەتتە 2024 جىلدىڭ شىلدەسىنەن بەرى وتىرعان جانە قوشتاسۋ ۇندەۋىندە جۇمىسىن اياقتايتىنىن مالىمدەگەن كير ستارمەردى الماستىرعان ەدى.