ۇلىبريتانيادا ەستەتيكالىق پروسەدۋرا جاساتپاق بولعان پاسيەنتتەر الدىن الا ديسمورفوفوبياعا تەكسەرىلەدى. بۇل تۋرالى ITV News جازدى، دەپ حابارلايدى infohub.kz سايتى.
ۇلىبريتانيانىڭ دەنساۋلىق ساقتاۋ جانە كۇتىم جاساۋ ۇلتتىق ينستيتۋتى (Nice) مەديسينا ماماندارىنا ارنالعان نۇسقاۋلىق جوباسىن جاريالادى. وندا كوسمەتيكالىق قىزمەتكە جۇگىنگەن ادامداردان مىندەتتى تۇردە ساۋالناما الۋ ۇسىنىلادى. باستامانىڭ ماقساتى — ديسمورفوفوبيا مەن وبسەسسيۆتى-كومپۋلسيۆتى بۇزىلىستىڭ بەلگىلەرىن ۋاقىتىندا انىقتاپ، پاسيەنتتەرگە دەر كەزىندە مامانداندىرىلعان كومەك كورسەتۋ.
ساراپشىلار ديسمورفوفوبياعا كۇدىك تۋىنداعان جاعدايدا كلينيكالار كوسمەتولوگيالىق جانە حيرۋرگيالىق ارالاسۋلاردان مۇلدەم باس تارتۋى كەرەك ەكەنىن اتاپ ءوتتى. مۇنداي جاعدايدا كەز كەلگەن ەستەتيكالىق مانيپۋلياسيالار پاسيەنتتىڭ ەموسيونالدىق سترەسسىن كۇشەيتىپ، وبسەسسيۆتى جاعدايىن ودان ءارى ۋشىقتىرۋى مۇمكىن. ونداي كەزدە ادامدى دەرەۋ بەيىندى مامانداردىڭ كونسۋلتاسياسىنا جىبەرۋ قاجەت.
ۆەدومستۆو سونداي-اق مۇنداي بۇزىلىستار ادامدار قورقىنىشتارى تۋرالى ايتۋدان ۇيالاتىندىقتان ءجيى بايقالماي قالاتىنىن اتاپ ءوتتى. جاڭا نۇسقاۋلىق مەديسينا قىزمەتكەرلەرىن باعىتتاۋشى سۇراقتاردى بەلسەندى قويۋعا شاقىرادى. بۇل ادامنىڭ جاعدايىن داعدارىس شەگىنە جەتكىزبەي، ماسەلەنى ەرتە كەزەڭدە تانۋعا مۇمكىندىك بەرەدى.