امەريكاندىق ءانشى بريتني ءسپيرستىڭ كەنجە ۇلى دجەيدەن دجەيمس ليۋكس كوسمەتيكا برەندى MAC-تىڭ جاڭا جارنامالىق ناۋقانىنىڭ ءجۇزى اتاندى. بۇل تۋرالى infohub.kz سايتى حابارلايدى.
بريتني ءسپيرستىڭ ەكى ۇلى بار: 20 جاستاعى شون پرەستون جانە 19 جاستاعى دجەيدەن دجەيمس. ولار سانالى ءومىرىنىڭ كوپ بولىگىن اناسىمەن از ارالاستى: ولاردىڭ قامقورلىعى اكەلەرى، ءبيشى ءارى رەپەر كەۆين فەدەرلاينعا بەرىلگەن. ول 2013 جىلدان باستاپ بۇرىنعى باسكەتبولشى ۆيكتوريا پرينسپەن نەكەدە، ول ءبريتنيدىڭ ۇلدارىن تاربيەلەگەن. ەرلى-زايىپتىلاردىڭ ورتاق ەكى بالاسى دا بار.
شون دا، دجەيدەن دە ماۋسىم ايىنىڭ سوڭىندا پاريجدەگى ەرلەر ءسانى اپتالىعى اياسىندا Vetements برەندىنىڭ كورسەتىلىمىندە دەبيۋت جاسادى. وسىدان كەيىن دجەيدەن Vogue جۋرنالىنا بەرگەن سۇحباتىندا بۇل تاجىريبەنى قايتالاعىسى كەلەتىنىن جانە مودەل بيزنەسىندە ءوسۋ نۇكتەلەرىن كورەتىنىن ايتتى. ەكى ايدان كەيىن جىگىت كاسىبي كوسمەتيكانىڭ تانىمال برەندى MAC-پەن ىنتىماقتاستىقتى باستادى. ال ونىڭ اعاسىن مودەلدىك مانساپ قىزىقتىرمايدى.
«پاريج ءسان اپتالىعىنىڭ كوتەرىلىپ كەلە جاتقان جۇلدىزى دجەيدەن دجەيمس يندۋستريادا ناعىز دۇربەلەڭ تۋدىرۋدا»، — دەپ اتاپ وتىلگەن برەندتىڭ Instagram-پاراقشاسىندا.
سونداي-اق اككاۋنتتا دجەيدەننىڭ MACzine — كوسمەتيكا برەندىنىڭ سيفرلىق باسىلىمىنىڭ مۇقاباسىنا ارنالعان فوتوسەسسياسى كورسەتىلدى. جۋرنالدا بريتني ءسپيرستىڭ كەنجە ۇلىنىڭ ءومىربايانىنىڭ ەگجەي-تەگجەيلەرىن ايتىپ بەرۋگە ۋادە ەتىلگەن. دجەيدەننىڭ مۋزىكامەن اينالىساتىنى، فورتەپيانودا وينايتىنى جانە بولاشاقتا ءوز اندەرىن شىعارۋدى جوسپارلايتىنى بەلگىلى.
بۇعان دەيىن Kursiv LifeStyle بريتني ءسپيرستىڭ پوليسيا ونى ماس كۇيىندە كولىك جۇرگىزگەنى ءۇشىن ۇستاعاننان كەيىن وڭالتۋ ورتالىعىنا جۇگىنگەنىن جازعان بولاتىن.