قازاقستاننىڭ دامۋ بانكى سولتۇستىك قازاقستان وبلىسىندا تەحنيكالىق گازدار، ەلەكتر ەنەرگياسى، مايلار جانە باسقا دا ونىمدەر شىعاراتىن زاۋىت سالۋعا ءوتىنىمدى قاراۋعا قابىلدادى. مەملەكەتتىك قارىز الۋعا ءوتىنىمدى وسى جوبانى جۇزەگە اسىرىپ جاتقان Circular-M كومپانياسى بەرگەن، ءقازىر ول «بيزنەس-ۇسىنىس» كەزەڭىندە تۇر، دەپ حابارلايدى infohub.kz سايتى.
قرد سايتىنداعى جوبا كارتوچكاسىندا قارىز بەنەفيسيارى رەتىندە شىڭعىسحان تورتقارا كورسەتىلگەن. الايدا قازىرگى ۋاقىتتا بۇل ادامنىڭ كومپانياعا زاڭدى قاتىسى جوق.
Circular-M كومپانياسى 2024 جىلدىڭ ناۋرىزىندا تىركەلگەن. باستاپقىدا كاسىپورىن ەكاتەرينا ابدىماجيتوۆاعا تيەسىلى بولدى. 2025 جىلدىڭ ساۋىرىندە قۇرىلتايشىلار قۇرامى وزگەردى: ءۇش اپتا بويى مەنشىك يەسى شىڭعىسحان تورتقارا بولدى، سودان كەيىن 2025 جىلدىڭ 30 ساۋىرىندە فيرما ەرلان شالقارباەۆقا ءوتتى. بارلىق بەلگىلەرگە قاراعاندا، قرد-عا ءوتىنىم ءدال وسى ءۇش اپتالىق يەلىك ەتۋ كەزەڭىندە بەرىلگەن.
ايتا كەتەتىنى، تورتقارا تۋرالى اشىق دەرەككوزدەردە ەشبىر ەسكە الۋ جوق: ول باسقا كومپانيالارعا يەلىك ەتپەيدى جانە ەش جەردە قىزمەتكەر رەتىندە تىركەلمەگەن.
قازىرگى ۋاقىتتا Circular-M قۇرىلتايشىسى ءارى جەتەكشىسى ەرلان شالقاربايەۆ. اشىق دەرەكتەرگە سۇيەنسەك، كاسىپكەرگە قوستانايدا تىركەلگەن جانە ناقتىلاۋسىز كەڭ اسسورتيمەنتتەگى تاۋارلاردى كوتەرمە ساۋدالايتىن Global Export Trade كومپانياسى دا تيەسىلى. شالقارباەۆتىڭ باسقا بيزنەستەرى مەن اففيلييرلەنگەن قۇرىلىمدارى جوق.
Circular-Mء-نىڭ ءۇش يەسى مەن بۇرىنعى يەلەرىنىڭ ەشقايسىسى تۋرالى ينتەرنەتتە قوسىمشا اقپارات جوق.
بۇعان دەيىن «كۋرسيۆ» قىتايدىڭ جامبىل وبلىسىندا 1،2 ملرد دوللارعا قۋاتتى مەتاللۋرگيا كومبيناتىن ىسكە قوساتىنىن جازعان.