قازاقستاننىڭ ەرلەر اراسىنداعى جەكە سىنداعى ءبىرىنشى راكەتكاسى الەكساندر بۋبليك شۆەيسارياداعى گشتااد قالاسىندا وتكەن كاسىپقوي تەننيسشىلەر قاۋىمداستىعى (اتف) 250 ساناتىنداعى توپىراق كورتىنداعى ءتۋرنيردى جەڭىلىسپەن باستادى، دەپ حابارلايدى infohub.kz سايتى.
اتف رەيتينگىندە 11-ورىندا تۇرعان سپورتشى ءبىرىنشى ءنومىر رەتىندە جەرەبە تاستالىپ، ەكىنشى اينالىمعا اۆتوماتتى تۇردە شىقتى. بۇل كەزەڭدە ول الەمنىڭ 90-راكەتكاسى، فرانسۋز كەنتەن اليسكە قارسى وينادى.
ماچ 16 شىلدەدە باستالعانىمەن، جاڭبىرعا بايلانىستى بىرنەشە رەت ءۇزىلدى. اقىرىندا قارسىلاستار كەلەسى كۇنى ويىندى اياقتادى.
كەزدەسۋ ماكسيمالدى ءۇش سەتكە سوزىلىپ، ونىڭ ەكەۋى تاي-برەيكتە اياقتالدى. اليس 6:7 (4:7)، 6:4، 7:6 (7:5) ەسەبىمەن جەڭىسكە جەتتى.
تەننيسشىلەر كورتتا 2 ساعات 22 مينۋت بولدى. وسى ۋاقىت ىشىندە بۋبليك 13 ەيس جاساپ، التى قوس قاتەلىك جىبەرىپ، ەكى برەيك-پوينتتىڭ ەكەۋىن دە پايدالانا المادى.
قازاقستاندىق گشتاادتا چەمپيوندىق اتاعىن قورعاي المادى. ول 200 رەيتينگتىك ۇپايدان ايىرىلدى.
ال اليس شۆەيسارياداعى توپىراق كورتىنداعى جارىستىڭ شيرەك فينالىندا تاعى ءبىر قازاقستاندىق الەكساندر شەۆچەنكومەن كەزدەسەدى.