جامبىل وبلىسىندا توعىزىنشى سىنىپ وقۋشىسىنىڭ اناسى ۇلى جاساعان بۋللينگ ءۇشىن 43 مىڭ تەڭگە ايىپپۇل تولەيتىن بولدى، دەپ حابارلايدى infohub.kz.
مويىنقۇم اۋداندىق سوتى كامەلەتكە تولماعاننىڭ اناسىنا قاتىستى اقبتك-نىڭ 127-2-بابىنىڭ 3-بولىگى (12-16 جاس ارالىعىنداعى ادام جاساعان بۋللينگ) بويىنشا اكىمشىلىك ءىس قارادى. وقيعا 2026 جىلعى مامىردا بولعان.
اتالعان مەكتەپتىڭ 9-سىنىپ وقۋشىسى 8-سىنىپ وقۋشىلارىنان اقشا تالاپ ەتكەن. وسىعان بايلانىستى ءجاسوسپىرىمنىڭ اناسىنا حاتتاما تولتىرىلعان. بۋللينگ جاساعانى دالەلدەنگەن.
سوتتا ازاماتشا ج. اتالعان جاعدايدى مويىنداپ، بۇدان بىلاي وندايعا جول بەرمەيتىنىنە ۋادە بەردى. پروكۋرور وعان 10 اەك مولشەرىندە ايىپپۇل سالۋدى سۇرادى. باپتىڭ سانكسياسى ەسكەرتۋ نەمەسە اتا-اناعا 10 اەك كولەمىندە ايىپپۇل سالۋدى كوزدەيدى.
سوت جەڭىلدەتەتىن جانە اۋىرلاتاتىن ءمان-جايلاردى انىقتامادى. سوت قاۋلىسىمەن انا كىنالى دەپ تانىلىپ، 43 مىڭ تەڭگە ايىپپۇل سالىندى. شەشىم زاڭدى كۇشىنە ەندى.