الماتى وبلىسىندا بيزنەس مۇددەلەرىنە نۇقسان كەلتىرگەن بۇزۋشىلىقتار انىقتالعاننان كەيىن 2 مىڭنان استام كاسىپكەر قورعالدى. جىل باسىنان بەرى وڭىردە كاسىپكەرلىككە كەدەرگى كەلتىرگەن 65 ارالاسۋ مەن شەكتەۋ جويىلدى، دەپ حابارلايدى infohub.kz.
بيزنەستى قورعاۋ جۇمىستارى اياسىندا كاسىپكەرلىكتىڭ دامۋىنا كەدەرگى كەلتىرگەن ءۇش اكت كۇشىن جويدى. سونىمەن قاتار، كاسىپكەرلەردىڭ پايداسىنا 469 ملن تەڭگە ءوندىرىلدى.
بيزنەسپەن ءوزارا ءىس-قيمىل ءتارتىبىن بۇزعانى جانە كاسىپكەرلىككە زاڭسىز ارالاسقانى ءۇشىن 59 لاۋازىمدى ادام جاۋاپكەرشىلىككە تارتىلدى. ونىڭ 25ء-ى تارتىپتىك جازاعا، ال 34ء-ى اكىمشىلىك جاۋاپكەرشىلىككە تارتىلدى.
كاسىپكەرلەردىڭ اقشاسىن جىمقىرۋ ءىسى بولەك قارالۋدا. بۇرىنعى مەملەكەتتىك قىزمەتشىگە قاتىستى الاياقتىق بابى بويىنشا سوتقا دەيىنگى تەرگەۋ جۇرگىزىلۋدە – ول الداۋ ارقىلى كاسىپكەرلەردىڭ اقشاسىنا يە بولعان.