بۇرىنعى ميللياردەر، سوتتالعان اناتولي بالۋشكينگە تيەسىلى وسكەمەندەگى «ازيا اۆتو – بيپەك اۆتو» اۆتوزاۋىتىنىڭ قۇرىلىسى اياقتالماعان نىسانى شىعىس قازاقستان وبلىسى اكىمدىگىنىڭ بالانسىنا بەرىلىپ جاتىر. بۇل تۋرالى Infohub.kz اقپارات اگەنتتىگى حابارلايدى.
زاۋىت اكىمدىككە تەگىن بەرىلدى
وبلىس اكىمدىگىنىڭ حابارلاۋىنشا، كونفيسكەلەنگەن م ۇلىك اكىمدىك بالانسىنا تەگىن بەرىلگەن. اكىمدىك بۇل اۋماقتى كاسىپكەرلىك پەن ونەركاسىپتى دامىتۋ ءۇشىن پايدالانۋعا نيەتتى.
زاۋىت اۋماعىنداعى م ۇلىكتەر
زاۋىت اۋماعىنداعى تاۋارلار مەن ماتەريالداردىڭ جالپى قۇنى شامامەن 124 ميلليون تەڭگە دەپ باعالانعان. وندا 37 مىڭنان استام م ۇلىك بار.
«بيپەك اۆتو» ءىسى
اناتولي بالۋشكين 2021 جىلى اسا ءىرى كولەمدەگى الاياقتىق جاساعانى ءۇشىن قىلمىستىق ءىس بويىنشا ىزدەۋگە بەرىلگەن بولاتىن. كەيىننەن، 2025 جىلى ول 9 جىلعا باس بوستاندىعىنان ايىرىلىپ، سوتتالدى. ونىڭ سىبايلاسى ەرىك ساعىمبايەۆ تا 8،5 جىلعا باس بوستاندىعىنان ايىرىلدى. ەكەۋى دە سىرتتاي سوتتالدى.
سوت بالۋشكين مەن ونىڭ سىبايلاسىنىڭ 2013-2020 جىلدارى ارالىعىندا «ازيا اۆتو – بيپەك اۆتو» ارقىلى 66 ميلليارد تەڭگە نەسيە الىپ، ونى جىمقىرعانىن انىقتادى. مەملەكەتكە كەلتىرىلگەن جالپى شىعىن 173 ميلليارد تەڭگەگە باعالانعان.