بي ۇيىرمەسى جوسپارى

باستاۋىش سىنىپ ءمۇعالىمى اينۋر دۋيسەباەۆا

بي ۇيىرمەسى جوسپارى
وقۋ - تاقىرىپتىق جوسپارى 3-4 سىنىپ
بي ونەرىمەن اينالىسۋ وقۋشىلاردىڭ جالپى دەنساۋلىعىنا جاقسى اسەر ەتەدى. ناقتى جەڭىل قوزعالىسپەن دۇرىس ءجۇرىپ تۇرۋىنا، يىلگىشتىك قابىلەتىنىڭ ارتۋىنا، اۋامەن دۇرىس دەمالۋىنا، مۋزىكانىڭ ەكپىنىن، بۋىن ىرعاعىن، مازمۇنىن اجىراتا بىلۋگە كومەكتەسەدى. تومەنگى سىنىپ وقۋشىلارى ارناۋلى قوندىرعىسىز - اق زالدىڭ ورتاسىندا بيمەن اينالىسۋىنا بولادى. ول ءۇشىن ويىن تۇرىندە بەرىلەتىن ناقتى قيمىل قوزعالىس جاتتىعۋلارىنا كوبىرەك كوڭىل ءبولۋى قاجەت. ولار قيمىل قوزعالىسپەن مۋزىكانى ۇيلەستىرۋ شەبەرلىگىن دامىتادى.

ماقساتتارى:
وقۋشىلاردىڭ دەنە ءبىتىمىن شىنىقتىرىپ، كۇشەيتۋ. مۋزىكانى ەستۋ جانە باۋلۋ قابىلەتىن تەوريا جانە پراكتيكا جۇزىندە ىسكە اسىرۋ. ءبيدى ءتۇسىنۋ جانە بيلەۋ قابىلەتىن قالىپتاستىرۋ. ءوزىن - ءوزى ۇستاي بىلۋگە تاربيەلەۋ.

مىندەتتەرى:
سەزىنۋ، ەستۋ قابىلەتىن دامىتۋ.
قيمىل - قوزعالىس اپپاراتتارىنىڭ جۇرەك قان اينالىمىن رەتتەپ، جاقسارتۋ.
دەنەنىڭ دۇرىس ءبىتىمىن قالىپتاستىرۋ، دۇرىس دەمالۋ، دەر كەزىندە دۇرىس قيمىلدارىن جەتىلدىرۋ.
مۋزىكالىق شىعارمالاردىڭ بۋىن - ىرعاعىن، ەكپىنىن، مازمۇنىن دۇرىس تۇسىنۋگە دايىنداۋ.
تەوريا جانە پراكتيكا جۇزىندە قوزعالىسىن دۇرىس سەزىنە ءبىلۋ.
بيلەۋ كەزىندە بي قوزعالىسى ارقىلى ونىڭ مانەرلىلىگىن ارتتىرۋ.
بي قوزعالىسى كەزىندە بي ۇيرەنۋ داعدىلارىن قالىپتاستىرۋ.
كۇتىلەتىن ناتيجە:
بي ونەرىمەن اينالىسقان ۇلدار مەن قىز بالالار دەنەسىنىڭ سىمباتتىلىعىمەن، ادەمى ءجۇرىس - تۇرىسىمەن، مۋزىكالىق ىرعاقتى اجىراتا بىلۋىمەن ەرەكشەلەنەدى. بي ونەرىمەن اينالىسۋ شىعارماشىلىق شەبەرلىكتەردىڭ نەگىزىن قالاپ، ءوزىن - ءوزى جەتىلدىرۋگە دەگەن قىزىعۋشىلىعىن ارتتىرادى.

تولىق نۇسقاسىن جۇكتەۋ