قىتايلىق BYD اۆتوكومپانياسى ءوزىنىڭ فلاگماندىق Da Han سەدانىن جۇڭگو نارىعىنا ۇسىنۋعا دايىندالۋدا. Carnewschina مالىمەتىنشە، جاڭا مودەلگە الدىن الا تاپسىرىستار 21 تامىزدا چەندۋدەگى اۆتوسالوندا قابىلدانا باستايدى، وندا رەسمي باعالار دا جاريالانادى... دەپ حابارلايدى infohub.kz.
Da Han سەدانى اسەرلى ولشەمدەرىمەن ەرەكشەلەنەدى: ۇزىندىعى 5 256 مم، ال دوڭعالاق بازاسى 3 130 مم. بۇل Mercedes-Benz S-Class-تان 66 مم-گە ارتىق. جاڭا مودەلدىڭ قۇنى شامامەن 300 مىڭ يۋان بولادى دەپ كۇتىلۋدە، بۇل شامامەن 20،5 ميلليون تەڭگەگە تەڭ.
مودەل بىرنەشە قۋات قوندىرعىلارىمەن ۇسىنىلادى. ءبىر قوزعالتقىشى بار بازالىق ەلەكتر نۇسقاسى 496 ات كۇشىن دامىتادى، ال سىيىمدىلىعى 102،3 كۆت·ساع بولاتىن باتارەيا CLTC سيكلى بويىنشا 1 008 شاقىرىمعا دەيىن ءجۇرۋ قورىن قامتاماسىز ەتەدى. تولىق جەتەكتى نۇسقا ەكى ەلەكتر قوزعالتقىشىمەن جابدىقتالعان، جالپى قۋاتى 764 ات كۇشى، ال ءجۇرۋ قورى 880 شاقىرىمعا دەيىن جەتەدى.
تازا ەلەكتر نۇسقاسىنان باسقا، BYD Da Han DM موديفيكاسياسىن ۇسىنادى، ول قوسىلاتىن گيبريدتى قۋات قوندىرعىسىمەن جابدىقتالعان. وعان قۋاتى 154 ات كۇشى بولاتىن 1،5 ليترلىك تۋربوقوزعالتقىش جانە 268 ات كۇشى بار ەلەكتر قوزعالتقىش كىرەدى. سىيىمدىلىعى 54،5 كۆت·ساع باتارەيا تەك ەلەكتر قۋاتىمەن 470 شاقىرىمعا دەيىن جۇرۋگە مۇمكىندىك بەرەدى.
مودەلدىڭ ەرەكشەلىكتەرىنىڭ قاتارىندا ارتقى دوڭگەلەكتەردى باسقارۋ جانە شاتىرىندا ليدارى بار DiPilot 5.0 جۇرگىزۋشىگە كومەك جۇيەسى بار. Da Han-نىڭ ەڭ تاڭعالارلىق سيپاتتامالارىنىڭ ءبىرى — جىلدام زاريادتاۋ مۇمكىندىگى: ءوندىرۋشى باتارەيانى نەبارى توعىز مينۋتتا 10 پايىزدان 97 پايىزعا دەيىن تولتىرۋعا بولاتىنىن مالىمدەيدى.
وسىلايشا، BYD جاقىندا عانا قىمبات پرەميۋم مودەلدەردىڭ ارتىقشىلىعى بولعان سيپاتتامالارى بار ۇلكەن سەداندى دايىنداۋدا. 21 تامىزدا ەڭ باستىسى — ونىڭ قىتايداعى باعاسى بەلگىلى بولادى.