BYD كومپانياسىنىڭ قازاقستانداعى رەسمي ديستريبيۋتورى ءۇش گيبريدتى مودەلگە الدىن الا تاپسىرىس قابىلداي باستادى: سەدان Seal 6، ىقشام كروسسوۆەر Yuan Up DM-i جانە جەتى ورىندىق فلاگمان Atto 8. العاشقى اۆتوموبيلدەر ديلەرلەرگە 2026 جىلدىڭ تامىزىندا جەتكىزىلەدى، دەپ حابارلايدى infohub.kz سايتى.
ەڭ قولجەتىمدى ۇسىنىس — BYD Yuan Up DM-i، باعاسى 12،7 ملن تەڭگە. كروسسوۆەر 1،5 ليترلىك اتموسفەرالىق قوزعالتقىش پەن 18 كۆت·سىيىمدىلىقتى Blade باتارەياسى بار گيبريدتى قوندىرعىمەن جابدىقتالعان. ءوندىرۋشى 100 كم-گە 3،1 ليتر وتىن شىعىنىن، ەلەكتر قۋاتىمەن 110 كم ءجۇرۋ قورىن جانە NEDC سيكلى بويىنشا جالپى ءجۇرۋ قورى 1 100 كم-گە دەيىن جەتەتىنىن مالىمدەيدى. جابدىقتالۋىنا 8،8 ديۋيمدىك ساندىق پريبورلار پانەلى، 12،8 ديۋيمدىك مۋلتيمەديا ەكرانى، پانورامالىق شاتىر، اينالمالى شولۋ، 50 ۆت قۋاتتى سىمسىز زاريادتاۋ، الدىڭعى ورىندىقتار مەن ءرۋلدى جىلىتۋ، سونىمەن قاتار تۇرمىستىق تەحنيكانى قوسۋعا ارنالعان V2L فۋنكسياسى كىرەدى.
BYD Seal 6 سەدانى Flagship جيناعىندا 13 ملن تەڭگەگە باعالانعان. قوسىلاتىن گيبريد 1،5 ليترلىك بەنزين قوزعالتقىشى مەن 15،8 كۆت·سىيىمدىلىقتى اككۋمۋلياتوردى بىرىكتىرەدى. ورتاشا وتىن شىعىنى 100 كم-گە 3،4 ليتر دەپ كورسەتىلگەن، ال جالپى ءجۇرۋ قورى 2 020 كم-گە جەتەدى. مودەلدە اينالمالى 15،6 ديۋيمدىك مۋلتيمەديا ەكرانى، قىزدىرۋ جانە جەلدەتۋ فۋنكسياسى بار الدىڭعى ورىندىقتار، سىمسىز سمارتفون زاريادتاۋ، جەتى قاۋىپسىزدىك جاستىعى، جۇرگىزۋشىگە ارنالعان ەلەكتروندى كومەكشىلەر كەشەنى جانە كولەمى 504 ليتر جۇك سالعىشى بار.
گيبريدتىك جەلىنىڭ فلاگمانى — BYD Atto 8، باعاسى 23،5 ملن تەڭگە. جەتى ورىندىق كروسسوۆەر 1،5 ليترلىك تۋربوكوزعالتقىشى مەن ەكى ەلەكتروموتورى بار DM-p جۇيەسىن پايدالانادى. 100 كم/ساع جىلدامدىققا دەيىن ۇدەۋى 4،9 سەكۋندتى الادى، ەلەكتر قۋاتىمەن ءجۇرۋ قورى 152 كم، ال جيىنتىق ءجۇرۋ قورى 1 000 كم-دەن اسادى. جابدىقتار تىزىمىنە DiSus-C ينتەللەكتۋالدى اسپاسى، ءۇش قاتارلى سالون، 15،6 ديۋيمدىك سەنسورلى ەكران، 21 ديناميكتى DiSound دىبىس جۇيەسى، پانورامالىق شاتىر جانە جۇرگىزۋشىگە كومەكتەسەتىن كەڭەيتىلگەن ەلەكتروندى جۇيەلەر جيىنتىعى كىرەدى.
قازاقستان نارىعى ءۇشىن ءۇش مودەل دە بەيىمدەلگەن مۋلتيمەديالىق جۇيەمەن جانە فيرمالىق ءموبيلدى قوسىمشانى قولداۋمەن جابدىقتالعان. اۆتوموبيلدەرگە كەپىلدىك — 6 جىل نەمەسە 150 000 كم، تارتقىش باتارەيا مەن ەلەكتر قوزعالتقىشىنا — 8 جىل نەمەسە 150 000 كم، ءجۇرىس بولىگىنىڭ ەلەمەنتتەرىنە — 4 جىل نەمەسە 120 000 كم. الدىن الا تاپسىرىستاردى BYD كومپانياسىنىڭ قازاقستانداعى رەسمي ديلەرلىك ورتالىقتارى قابىلداپ جاتىر. العاشقى تاۋارلىق اۆتوموبيلدەر 2026 جىلدىڭ تامىزىندا ساتىلىمعا شىعادى.